2.4 Ideas principais e secundarias (aspectos teóricos)

Cando teña diante un texto de calquera tipo é importante que para comprendelo de forma axeitada saiba distinguir as ideas principais e as secundarias que nel aparecen. Para iso debe ter en conta o seguinte:

• Tema: o primeiro que debe facer é localizar o tema do texto, é dicir, o asunto sobre o que trata.
• Idea principal: é o que se di sobre ese tema. Ás veces está explícita, outras veces implícita e é necesario deducila despois da lectura do texto.
• Ideas secundarias: apoian, reforzan e explican a idea principal.