Seguimos os pasos
Primeiro paso: nace o noso medio de comunicación
Unha vez tedes decidido o nome, logo ou lema do voso medio de comunicación, é hora de poñerse mans á obra. Comezamos!
Segundo paso: preparar Agueiro ou Moodle
Creade unha páxina en Agueiro ou Moodle en que incluiredes as vosas producións. Como é a vosa páxina, deberedes personalizala, utilizando os temas, tipo e tamaño de letra, imaxes ou cores que máis vos gusten e que mellor definan o voso medio de comunicación.
Como crear unha páxina en Agueiro?
Como crear unha páxina en Moodle?
Terceiro paso: a noticia (minirreto 1)
Anexade a noticia no corpo da páxina que deseñastes no paso número dous. Podedes ir copiando e pegando o arquivo dixital nesta nova páxina. Incluíde:
- Título
- Entrada
- Corpo da noticia
- Imaxes ou vídeos
Cuarto paso: entrevista na radio (minirreto 2)
Anexade a entrevista feita na radio. Incluíde o arquivo en formato audio mediante a ferramenta correspondente na páxina creada no paso número dous. Engadide de maneira escrita un título e unha pequena descrición do contido da entrevista. Tamén podedes incluír algunha fotografía do proceso de gravación, no caso de que fixésedes algunha.
Quinto paso: o debate en televisión (minirreto 3)
Anexade o debate de televisión. Incluíde o arquivo de vídeo mediante a ferramenta correspondente na páxina creada no paso número dous. Engadide de maneira escrita un título e unha pequena descrición do contido da entrevista. Tamén podedes incluír algunha fotografía do proceso de gravación, no caso de que fixésedes algunha.
Paso final: publicación
Deberemos expoñer estes traballos nos corredores ou en lugares visibles na nosa escola. Non debemos esquecer que o obxectivo máximo dun medio de comunicación é proporcionar información ao maior número de persoas posibles, polo tanto toda estratexia para que os traballos sexan vistos será boa!
Como o voso medio de comunicación é completamente dixital, podedes elaborar un código QR para incluír en carteis que o anuncien.
Lectura facilitada
Primeiro paso: creo o meu medio
Xa decidín o nome, logo e lema do meu medio de comunicación.
Segundo paso: preparo Agueiro ou Moodle
Vou crear unha páxina en Agueiro ou Moodle.
Nela subirei as miñas producións.
Terceiro paso: a miña noticia (minirreto 1)
Agora, anexo a noticia que fixen no minirreto 1 na miña páxina.
Copiarei e pegarei o arquivo dixital alí.
Incluirei o título, a entrada, o corpo e imaxes.
Cuarto paso: a miña entrevista de radio (minirreto 2)
Anexo a miña entrevista de radio na páxina.
Subirei o arquivo de audio coa ferramenta axeitada.
Engadirei un título e unha descrición curta do contido.
Quinto paso: o meu debate de televisión (minirreto 3)
Anexo o meu debate de televisión na páxina.
Subirei o arquivo de vídeo coa ferramenta axeitada.
Paso final: publicación
Expoñerei os meus traballos na escola, en lugares visibles.
Farei un código QR para que poidan acceder ao meu medio dixital.
Poñerei carteis con este código QR para anunciar o meu traballo.
Audio
Apoio visual
Xeración de código QR
Para crear un código QR que garde o traballo (o recurso) que fixestes no voso grupo, imos usar unha aplicación de balde que non pide que vos rexistredes: Get-QR. Ademais, esta aplicación permítenos meter un PDF para que poidades compartir o voso produto moi facilmente. Os pasos que tedes que seguir son os seguintes:
- Fai clic na lapela que serve para engadir un PDF.
- Arrastra ata esa zona o PDF do documento que creaches.
- Escolle como queres que sexa o teu QR: as cores, o estilo das esquinas (se queres que sexan máis redondas ou cadradas), decide se lle pos un marco ou non, e tamén se queres engadir o logo do voso colexio.
Ademais desta, hai moitas outras opcións en Internet que son de balde e que vos deixan usar as funcións máis comúns sen ter que rexistrarvos.
Vamos comprobar...
Comprobade se están incluídos todos os elementos necesarios para acadar o reto final utilizando a lista de cotexo que se presenta a continuación.
Tamén podedes descargar o documento en formato editable aquí.