Saltar navegación

Falamos?

As partes dos programas de radio

Despois de coñecer un pouco como foi o paso da radio ao podcast, imos afondar máis neste medio. Liches ben cal é o rol dun locutor ou unha locutora de radio? Canta xente pensades que cómpre para facer un programa? O guión nun programa de radio ou podcast é esencial para o seu desenvolvemento. Ademais adoita seguir unha estrutura que ten como mínimo os seguintes elementos:

Apertura  Adóitase introducir o programa mediante a sintonía característica do programa, que inclúe o seu nome.
Introdución Aquí o locutor ou locutora saúda, presenta os e as protagonistas do programa e avanza o contido dun xeito atractivo para chamar a atención da audiencia.
Contido  Fálase da temática principal do programa e o seu contido de diferentes xeitos. Pode incluír monólogos, debates, entrevistas e incluso narracións ou contacontos. Ademais os programas adoitan ter seccións habituais que levan diferentes colaboradores/as.
Despedida O locutor ou locutora despide o programa ata o próximo día, recordando e agradecendo aos oíntes. Pode incluír unha sintonía ou música de saída, créditos e agradecementos finais.

Lectura facilitada

Xa sabes como pasou a radio a podcast.

Imos saber máis deste medio.

Sabes cal é o rol dun locutor/a?

Canta xente pensas que cómpre para facer un programa de radio?

O guión nun programa de radio é moi importante.

Sempre segue unha estrutura.

Ten como mínimo estes elementos:

- Apertura

Comeza o programa.

Ponse a música especial do programa.

Inclúe o seu nome.

- Introdución

Aquí o locutor ou locutora saúda.

Presenta as persoas do programa.

Di o que vai haber no programa.

Faino para chamar a atención.

- Contido

Aquí fálase do tema principal.

Pode incluír monólogos.

Debates.

Entrevistas.

Ou contacontos.

Os programas teñen seccións fixas.

Outras persoas colaboran nestas seccións.

- Despedida

O locutor despide o programa.

Lembra e agradece aos oíntes.

Pode incluír música de saída.

Ou créditos finais.

Poñémonos no outro lado das ondas

Sinal no aire




Cando facemos un programa de radio temos que escoller ben as palabras que imos empregar. Se ben un programa de radio pode estar máis guionizado, unha entrevista depende moito das respostas da persoa entrevistada. Aínda así, preparar ben o tema a tratar ou as preguntas a realizar garante que a entrevista sexa fluída e interesante. Lembra que as persoas que escoitan non nos están vendo e que, polo tanto, non poderemos empregar xestos nin imaxes para transmitir as nosas mensaxes. Temos que describir os elementos visuais mediante as palabras.

Lectura facilitada

Cando facemos un programa de radio, debemos escoller ben as palabras.

Un programa pode ter un guión pechado.

Pero unha entrevista depende moito do que diga a persoa entrevistada.

Aínda así, preparar ben o tema axuda moito.

Tamén preparar as preguntas.

Isto fai a entrevista máis doada e interesante.

Lembra que quen escoita non nos ve.

Non podemos usar xestos.

Nin imaxes.

Temos que describir todo con palabras.

Facendo un programa de radio

Cando facemos o guión dun programa de radio ou dun podcast temos que escoller ben as palabras que imos empregar.

Lembra que as persoas que nos escoitan non nos están vendo e que, polo tanto, non poderemos empregar xestos nin imaxes para transmitir as nosas mensaxes.

Temos que pintar con palabras.

E de todas esas palabras, cal é a que nos fala de accións e nos informa de cando sucederon as cousas? O verbo sen dúbida.

Xa vimos noutro apartado como nos guións da radio ou dos podcasts debemos empregar normalmente verbos en tempo presente.

Agás, loxicamente, cando falamos de cousas que xa aconteceron no pasado.

Lembrade! En galego non hai tempos compostos. Non podemos dicir *había chovido, dicimos chovera, nin *ha xantado senón xantou. Non vos fixo dano nos ouvidos escoitar estas cousas raras?

Entrevista nas ondas

En parellas, escoitade a peza do podcast anterior. Completade a ficha e analizade as diferentes características. Presta atención a tódolos sons, ao tipo de lingua que empregan e procura discernir as diferentes partes que conforman o podcast.

Ficha análise medios

Tamén podes descargar o formato editable .odt aquí.

Relaciona

Relaciona cada tarxeta coa súa parella.

{"typeGame":"Relaciona","author":"","randomCards":true,"instructions":"

Relaciona cada tarxeta coa súa parella.

","showMinimize":false,"itinerary":{"showClue":false,"clueGame":"","percentageClue":40,"showCodeAccess":false,"codeAccess":"","messageCodeAccess":""},"cardsGame":[{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Entrevista","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Conversaci%C3%B3n%20estruturada%20na%20que%20unha%20persoa%20fai%20preguntas%20e%20outra%20responde."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Podcast","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Programa%20de%20audio%20que%20se%20distrib%C3%BAe%20por%20Internet%20para%20ser%20consumidos"},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Sinton%C3%ADa","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"M%C3%BAsica%20inicial%20que%20da%20comezo%20a%20un%20programa"},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Locutora","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Persoa%20encargada%20de%20presentar%20e%20levar%20a%20cabo%20un%20programa"},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Sumario","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Resumo%20dos%20contidos%20que%20se%20van%20tratar"},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Audiencia","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"P%C3%BAblico%20que%20escoita%20un%20programa"}],"isScorm":1,"textButtonScorm":"Gardar a puntuación","repeatActivity":true,"textAfter":"","version":1.3,"percentajeCards":100,"type":0,"showSolution":true,"timeShowSolution":3,"time":3,"evaluation":false,"evaluationID":"","id":"2025427171039-120","msgs":{"msgSubmit":"Enviar","msgClue":"Xenial! A pista é:","msgCodeAccess":"Código de acceso","msgPlayStart":"Prema aquí para xogar","msgScore":"Puntuación","msgErrors":"Erros","msgHits":"Acertos","msgMinimize":"Minimizar","msgMaximize":"Maximizar","msgFullScreen":"Pantalla Completa","msgExitFullScreen":"Saír de pantalla completa","msgNoImage":"Pregunta sen imaxes","msgEndGameScore":"Antes de gardar a puntuación comece a partida.","msgScoreScorm":"A puntuación non se pode gardar porque esta páxina non forma parte dun paquete SCORM.","msgOnlySaveScore":"Só se pode gardar a puntuación unha vez!","msgOnlySave":"Só se pode gardar unha vez","msgInformation":"Información","msgYouScore":"A puntuación","msgAuthor":"Autoría","msgOnlySaveAuto":"A puntuación gardarase despois de cada pregunta. Só se pode xogar unha vez.","msgSaveAuto":"A puntuación gardarase automaticamente despois de cada pregunta.","msgSeveralScore":"Pódese gardar a puntuación tantas veces como se queira","msgYouLastScore":"A última puntuación gardada é","msgActityComply":"Xa realizaches esta actividade.","msgPlaySeveralTimes":"Pódese realizar esta actividade tantas veces como se queira","msgClose":"Pechar","msgAudio":"Audio","msgNumQuestions":"Número de cartas","msgTryAgain":"Necesitas polo menos un %s% de respostas correctas para conseguir a información. Volve tentalo.","msgEndGameM":"Remataches o xogo. A túa puntuación é %s.","msgUncompletedActivity":"Actividade non completada","msgSuccessfulActivity":"Actividade superada. Puntuación: %s","msgUnsuccessfulActivity":"Actividade non superada. Puntuación: %s","msgTypeGame":"Relaciona","msgCheck":"Comprobar","msgRestart":"Reiniciar"}}
O navegador non é compatible con esta ferramenta.

Adiviña a persoa entrevistada

Lembrades como Leo e Sara lle facían preguntas a Ana? E como Ana explicaba as cousas? Agora é a vosa quenda de ser entrevistadores e entrevistadoras!

En grupos, escollede un personaxe coñecido que sexa experto nun tema do que vos apeteza falar, por exemplo: deporte, tecnoloxía, música, a escola...  Deseguido, pensade nun nome axeitado para este programa e imaxinade unha posible entrevista que se puidese levar a cabo neste espazo. E, por último, escollede quen ides entrevistar e repartide os diferentes roles dentro da entrevista. Xa está todo listo, agora escribide un pequeno guión da entrevista no que intercambiedes 3-4 preguntas interesantes sobre o tema elixido. Unha vez redactado deberedes representalo diante do resto da clase. Os compañeiros e compañeiras deberán adiviñar quen é o ou a personaxe que se entrevista.

Lembrade facer preguntas que non se respondan só con si ou non. Usade palabras como que?, como?, cóntame máis sobre.... Axudádevos dos exercicios anteriores. 

Adiviñar

Lectura facilitada

Lembrades como Leo e Sara facían preguntas a Ana?

E como Ana explicaba as cousas?

Agora tócavos ser entrevistadores e entrevistadoras!

En grupos, escollede un personaxe ou unha personaxe que coñeza todo o mundo.

Debe ser experto ou experta nun tema que vos guste.

Por exemplo: deporte, tecnoloxía, música, a escola.

Despois, pensade nun nome para o voso programa.

Imaxinade unha posible entrevista.

Por último, escollede quen ides entrevistar.

Repartide os roles na entrevista.

Xa está todo listo!

Agora escribide un pequeno guión da entrevista.

Intercambiade 3 ou 4 preguntas interesantes.

Deben ser sobre o tema elixido.

Unha vez escrito, representádeo.

Facede a entrevista diante dos compañeiros e compañeiras.

Deberán adiviñar quen é o personaxe ou a personaxe.

Lembrade facer preguntas que non se respondan só con si ou non.

Usade palabras como que?, como?, por que?

Ou cóntame máis sobre...

Igual que facían Leo e Sara!

Axudádevos dos exercicios anteriores.

Seguide un pouco a estrutura do guión.

Estades listos para ser entrevistadores?

Feito con eXeLearning (Nova xanela)