Puntuamos
Xa falamos sobre a importancia de transmitir a información de xeito claro e conciso. Aparte das normas e palabras presentadas nos apartados anteriores, é de gran valor coñecer os signos de puntuación xa que nos permitirán estruturar as ideas e evitar malos entendidos. Aquí tedes algo de información!
Punto (.)
Indica o final dunha oración. Tamén se usa en abreviaturas.
Exemplo 1:
Fun ao parque.
Exemplo 2:
Adverbio=adv.
Coma (,)
Indica unha pausa breve dentro da oración. Separa elementos nunha enumeración, aclara ou engade información.
Exemplo 1:
O neno, quen amosou un comportamento exquisito, tivo moito éxito.
Exemplo 2:
O mestre necesita cadernos, bolígrafos, pinceis, etc.
Punto e coma (;)
Indica unha pausa maior que a coma pero menor que o punto. Conecta oracións relacionadas ou separa elementos longos nunha enumeración.
Exemplo:
Visitamos o comedor, onde serven unhas exquisitas comidas; a cociña, con estupendos e estupendas xefes de cociña; e os grandes xardíns, cunha ampla variedade de flores.
Dous puntos (:)
Introducen unha enumeración, unha explicación, unha cita textual ou unha conclusión.
Exemplo:
Necesitamos mercar varias cousas para a merenda: pan, chocolate, froita e auga.
Comiñas (' ')
Recollen citas textuais, títulos de obras, ou palabras que se queren destacar por algún motivo coma é a ironía.
Exemplo:
O mestre dixo: "É importante axudar ao resto."
Signo de interrogación (?) ou exclamación (!)
Van ao final da oración.
-
- Interrogación: sinalan preguntas.
- Exclamación: indica sorpresa, alegría, indignación ou énfase.
Puntos suspensivos (...)
Indica unha interrupción do discurso, unha idea incompleta ou un ton de misterio ou dúbida.
Exemplo:
Non sei moi ben que facer hoxe...
Xa tedes tódolos coñecementos necesarios para revisar a vosa noticia. A continuación daránsevos as opcións para rematar este primeiro minirreto, que nos permitirá alcanzar o noso obxectivo final.
Lectura facilitada
É importante escribir claro.
Os signos de puntuación axudan a entender.
Evitan malos entendidos.
Punto (.)
Final dunha frase.
Úsase en abreviaturas.
Exemplo: Fun ao parque.
Coma (,)
Pausa curta.
Separa elementos nunha lista.
Exemplo: O mestre necesita cadernos, bolígrafos.
Punto e coma (;)
Pausa maior que a coma.
Une frases relacionadas.
Exemplo: Visitamos o comedor; a cociña.
Dous puntos (:)
Introducen unha lista.
Ou unha explicación.
Exemplo: Necesitamos: pan, froita.
Comiñas (' ')
Mostran o que alguén di.
Destacan palabras.
Exemplo: O mestre dixo: "Axudar."
Interrogación (?) ou Exclamación (!)
Van ao final da frase.
Interrogación: para preguntas.
Exclamación: para sorpresa.
Puntos suspensivos (...)
Indican unha pausa.
Mostran unha idea incompleta.
Exemplo: Non sei que facer...
Xa tes todo para revisar a túa noticia.
Agora veñen as opcións para rematar este minireto.
Audio
Apoio visual
