Reto final
Estamos chegando ao final e axiña estará preparado o produto final do REA. Este consistirá na creación dun medio de comunicación que será froito da unión dos tres minirretos levados a cabo ao longo deste REA. Imos facer un breve repaso de cales foron os produtos obtidos nestes tres minirretos:
Enfoque multinivel
Cando se elaboraron os tres minirretos ofrecéronse tres opcións, das cales debería ser escollida só unha. Dado que o abano de produtos finais obtidos nos minirretos é amplo (produtos dixitais, representacións teatrais ou documentos escritos), presentaranse igualmente tres maneiras de combinar os minirretos en función das necesidades. En grupos elixide a opción que mellor encaixe coas vosas necesidades:
Opción A
Reto físico
Utilizaredes medios físicos como cartolinas e papel para crear o voso medio de comunicación. Recolleredes nesa cartolina os guións empregados na redacción da noticia, na locución do programa de radio e no debate de televisión. Nunha mesma páxina, uniranse os tres pequenos traballos realizados ao longo deste REA.
Opción B
Reto físico e dixital
Neste reto deseñaredes o voso propio medio de comunicación multimedia. Presentarédelo nunha cartolina cunha nova de prensa, un código QR para escoitar unha entrevista radiofónica que gravastes previamente e a descrición dun debate televisivo que logo escenificararedes na clase. Así pois, reuniremos neste reto final o resultado de todo o traballo levado a cabo nos últimos minirretos e darémoslle unha forma coherente e unificada.
Opción C
Reto dixital
Utilizade unha plataforma dixital como Moodle, Agueiro ou un blog para aloxar todo o material que teñades creado nos minirretos. Dádelle unha aparencia de medio de comunicación, como se se tratase dunha páxina en que os usuarios poden consultar información de actualidade. Incluíde tamén o nome do medio de comunicación, o logo e unha breve explicación de cada unha das seccións.
Lectura facilitada
O meu produto final vai ser un medio de comunicación.
Lembro ben os minirretos que fixen.
No minirreto 1, fixen o deseño, redacción e maquetación dunha noticia de prensa.
No minirreto 2, gravei ou representei un programa de radio.
No minirreto 3, gravei ou representei un debate de televisión.
Hai tres opcións para o meu medio de comunicación final.
- Opción A: reto físico (todo en papel)
Usarei cartolinas e papel.
Nesa cartolina pegarei ou escribirei os guións da noticia, do programa de radio e do debate de televisión.
- Opción B: reto físico e dixital (un pouco de cada)
Crearei un medio de comunicación que mestura o físico e o dixital.
Ademais, incluirei un código QR para que poidan escoitar a miña entrevista de radio gravada.
Tamén describirei o meu debate de televisión e logo representareino na clase.
- Opción C: reto dixital (todo en liña)
Usarei unha plataforma dixital (como Moodle, Agueiro ou un blog).
Alí subirei todo o material que creei nos minirtetos.
.png "Diario de aprendizaxe (cREAgal)")
