Primeiro paso: nace o noso medio de comunicación

Unha vez tedes decidido o nome, logo ou lema do voso medio de comunicación, é hora de poñerse mans á obra. Comezamos!

Segundo paso: preparar a cartolina

Deberedes dividir unha cartolina en 3 ocos:

Cada un corresponderá ao espazo que lle dedicaredes aos minirretos que realizastes ao longo do REA.

Terceiro paso: elaboración dunha noticia (minirreto 1)

No minirreto 1 traballastes a elaboración dunha noticia. É hora de incluíla no noso medio de comunicación. Esta será a versión final. Con todo o que aprendestes, podedes modificala para que non quede ningún aspecto esquecido.  

Cuarto paso: guión do noso programa de radio (minirreto 2)

Neste apartado deberedes incluír o guión que empregastes para o voso programa de radio. 

Ademais do texto, indicade claramente as partes que interveñen: quen fala (locutores/as, presentadores/as, comentaristas, entrevistados/as etc) e que outros postos se desempeñaron (técnicos/as de son, intermediarios etc).

Non esquezades mencionar outros detalles importantes como a música de fondo, as pausas e calquera outro efecto ou indicación que seguístedes. Deste xeito, poderemos entender mellor como se organiza un programa de radio! 

Quinto paso: guión do debate (minirreto 3)

Neste último apartado, deberedes incluír o guión completo do debate que realizastes.

O primeiro será escribir o tema que se debateu.

Posteriormente, é fundamental que detalledes os argumentos que se trataron, especificando os que foron a favor e os que foron en contra da postura defendida por cada grupo. Xunta cada argumento, non esquezades incluír unha xustificación clara e concisa que explique por que se empregou ese argumento.

Finalmente, engadide un breve espazo onde expliquedes as técnicas para realizar un bo debate (por exemplo, escoitar activamente, respectar quendas etc.). 

Paso final: publicación

Deberemos expoñer estes traballos nos corredores ou en lugares visibles na nosa escola. Non debemos esquecer que o obxectivo máximo dun medio de comunicación é proporcionar información ao maior número de persoas posibles, por tanto, toda estratexia para que os traballos sexan vistos será boa! (exposición diante doutras clases, repartir panfletos anunciando o lugar onde se poden visitar etc).