Definición:
Dise de alguén que se amosa honesto. Que asegura que os feitos narrados e os datos incluídos no seu discurso sexan reais.
Exemplo:
A información que proporcionou o meu tío era moi veraz. Dicía con exactitude todo tal e como aconteceu.
Definición:
Dise de quen pode adoptar unha posición obxectiva e imparcial.
Exemplo:
A xuíza fixo o seu traballo perfectamente. Amosouse neutral durante todo o xuízo.
Algunha vez escoitaches falar das “fake news” ou “noticias falsas”? Trátase de noticias inventadas ou de historias reais terxiversadas que son difundidas a través dos medios de comunicación e cuxo fin é o de desinformar. Hoxe en día resulta moi doado enganar ó público debido á grande cantidade de información que todos os días chega a nós e que debemos procesar. Por iso é moi importante analizar a información criticamente, contrastar noticias ou consumir contido de fontes fiables.
Existen dous conceptos que son clave cando falamos dunha boa nova. Estes son a neutralidade e a veracidade.
Algunha vez escoitaches falar das "fake news"?
Son "noticias falsas".
Son noticias inventadas.
Ou son historias reais pero cambiadas.
Difúndense nos medios.
Queren enganarnos.
Hoxe é moi fácil enganar á xente.
Chega moita información cada día.
Temos que pensar ben na información.
Temos que comparar noticias.
Temos que usar fontes fiables.
Hai dúas cousas moi importantes para unha boa noticia:
A neutralidade.
A veracidade.
A neutralidade é ser obxectivo.
É non mostrar preferencia por ninguén.
Non hai opinións persoais.
A veracidade é dicir a verdade.
Os feitos e os datos deben ser reais.
Con un compañeiro, serei capaz de diferencialas?
Serías capaz, co teu compañeiro/a, de diferenciar nestas dúas oracións cal é a neutral e cal non? Argumenta a resposta.
E en relación a estas dúas? Cal che parece máis veraz? Por que?
En grupos, tedes dúas opcións de exercicio. Na primeira poderedes elixir a noticia que máis vos interese e comparala, na segunda opción, danvos directamente unha noticia relacionada co apagón masivo acontecido en abril do 2025:
Buscade en dous xornais en liña a mesma noticia. Deberedes lela con detemento.
Aquí tedes o enlace a diferentes xornais da nosa terra:
| Nós Diario | Galicia Confidencial | Praza |
Agora, respondede ás seguintes preguntas:
Nos seguintes enlaces atoparás a mesma noticia contada por xornais diferentes.
Xornal Praza: noticia apagamento masivo.
Xornal NósDiario: noticia apagamento masivo.
Agora, respondede ás seguintes preguntas:
Comentade en gran grupo as vosas respostas amosando as noticias escollidas.
En grupos, temos dúas opcións de exercicio.
Opción 1: Buscar noticias
Vou elixir a noticia que máis me interese.
Vou buscala en dous xornais de Internet.
Lereina con moita atención.
Aquí teño enlaces a xornais de Galicia:
- Nós Diario
- Galicia Confidencial
- Praza
Agora, vou responder unhas preguntas:
Contan os dous xornais os mesmos feitos?
Atopamos algunha diferenza?
Esas diferenzas fanme dubidar da verdade da noticia?
Se si, cales son?
Opción 2: Noticias do apagamento.
Aquí teño a mesma noticia en dous xornais diferentes.
É sobre un apagamento moi grande que pasou en abril de 2025.
Contan os dous xornais os mesmos feitos? Atopamos algunha diferenza?
Esas diferenzas fanme dubidar da verdade da noticia?
Se si, cales son?
Despois, imos comentar as respostas en toda a clase.
Ensinaremos as noticias que escollemos.
.png "Diario de aprendizaxe (cREAgal)")
Recolle no teu diario de aprendizaxe a túa relación cos medios de comunicación. Adoitas ler, escoitar ou ver algunha fonte de información a diario? De ser o caso, cal é o formato que prefires e polo tanto, que máis ves?
Vou escribir no meu diario de aprendizaxe.
Vou falar da miña relación cos medios de comunicación.
Eu adoitaba ler algo cada día?
Escoitaba algo cada día?
Vía algunha noticia cada día?
Se si, cal é a forma que prefiro?
Cal é a que máis uso?
Licenciado baixo a Licenza Creative Commons Atribución Non-comercial Compartir igual 4.0