Pensando en dar unha resposta a esta situación, imos realizar unha serie de minirretos que nos axudarán a aprender como comunicarnos en cada un dos diferentes medios e que nos levarán paseniño ao obxectivo final desta situación de aprendizaxe, a creación dunha plataforma na que poidamos expresarnos e poidamos ser escoitados:

Minirreto 1:

• Convertédevos en xornalistas e creade unha noticia de prensa escrita.

Minirreto 2:

• Creade un pequeno programa de podcast no que faledes de cousas que vos interesan a vós como nenos e nenas. Deberedes ter en conta todas as características e aspectos esenciais dun podcast.

Minirreto 3

• Elaborade un pequeno programa audiovisual no que se integren imaxe e son. Sendo esencial a elaboración dun guión e unha preparación previa.

Reto final

• Empregando o traballo feito durante todos os retos creade unha plataforma dixital na que o alumnado sexa o protagonista e nela poida expresarse e falar das cousas que lle interesan e importan. 

Para cada minirreto ofrecerásevos a posibilidade de elaborar o produto seguindo tres modalidades diferentes, para que escollades a máis axeitada dependendo das vosas preferencias. Así, existirías as modalidades de minirreto físico (en papel), de minirreto mixto (combina papel e dixital) e de minirreto dixital (en dixital). Para terminar, no reto final tamén se vos ofrecerán estas tres modalidades de reto.