Montaxe do posto

Como grupo, precisades recompilar todo o necesario para o voso posto na feira.

• Mesas para colocar as maquetas.
• Unhas teas ou papel continuo para cubrir as mesas.
• Elaborar un cartel colaborativo entre equipos co tema da vosa exposición.

Infografías

Cada equipo escollerá as infografías dos ecosistemas que lles tocou elaborar.

É importante que se poñan á vista e preto do lugar onde se colocará a maqueta dese ecosistema.

Ensaios

Agora que xa sabes os ecosistemas que che tocaron no teu equipo, é o momento de ensaiar o que dirás na exposición.

O día da feira realizaranse quendas constituídas por un membro de cada equipo para ter cubertos todos os ecosistemas.

Así que prepara a túa parte redactando un pequeno guión, ensaia, repite e sóltate para que a exposición sexa o máis natural posible.

Lembra apoiarte nas infografías, xa que che axudarán a non esquecer nada.

Ánimo, que estamos na recta final... Xa chega o gran día!