Grupos familiares

É a relación que existe por parentesco.

Un exemplo sería a relación entre os grupos familiares de aves. Nestes grupos cooperan para alimentar ás crías, e protéxenos fronte os depredadores.

Asociacións

Trátase de relacións temporais entre animais da mesma especie, que se agrupan por un obxectivo común, que pode ser defenderse, viaxar ou alimentarse.

Un exemplo deste tipo de relación podemos observalo en bandadas de paxaros ou bancos de peixes.

Sociedades

Trátase de grupos nos que hai distinta repartición de funcións dentro dos mesmos.

Como exemplo poderiamos falar das abellas ou das formigas.

Mutualismo

Dáse cando os seres que se relacionan se benefician mutuamente de dita relación. Un exemplo serían as abellas e as flores. As abellas aprovéitanse do néctar das flores para alimentarse, e ao mesmo tempo as abellas axudan ás flores a polinizar, e así facilitan a súa reprodución.

Comensalismo

Unha especie benefíciase, mentres a outra nin se beneficia nin se prexudica.

Por exemplo, as aves que fan niños nas árbores benefícianse, e ás árbores non as beneficia nin prexudica.

Parasitismo

Unha especie obtén un beneficio doutra que sae prexudicada.

Por exemplo as pulgas nos  cans e nos gatos. As pulgas aliméntanse do sangue que lles extraen cando os pican, pero aos cans e aos gatos esas picaduras prodúcenlles proído.

Competencia

Dáse cando dúas ou máis especies precisan o mesmo recurso (alimento, luz...)

Por exemplo, na selva as árbores compiten por alcanzar a luz e non ser tapadas por outras árbores.

Nesta relación resultan todos prexudicados, aínda que uns máis ca outros.