3.1 Álxebra

A linguaxe que usamos en operacións aritméticas nas que só interveñen números chámase linguaxe numérica.

En ocasións empregamos letras para representar calquera número descoñecido; realizamos operacións aritméticas con elas e, mesmo, incluímolas en expresións matemáticas para poder calcular o seu valor numérico.

A linguaxe que utiliza letras en combinación con números e signos, e ademais as trata como números en operacións e propiedades, chámase linguaxe alxébrica.

Álxebra é a parte das matemáticas que estuda a relación entre números, letras e signos das operacións aritméticas.

Vexamos uns exemplos nos que se utiliza a linguaxe alxébrica:

Linguaxe ordinaria	Linguaxe alxébrica	Lese	Significa
Un número mais outro.	x + y	Xe mais i	– Sumar x e y.
Un número multiplicado por 6.	6x	Seis xe	– Multiplicar 6 por x.
O dobre da temperatura.	2T	Dous te	– Multiplicar 2 por T.
O triplo dunha cantidade mais cinco.	3a + 5	Tres a máis cinco	– Multiplicar 3 por a e logo sumarlle 5. Lembre que hai que efectuar antes as multiplicacións e logo as sumas..
A metade dun número.	y/2	I medios; i partido por dous	– Dividir y entre 2.
A súa idade hai catro anos.	a - 4	A menos catro	– A a restámoslle 4.
O prezo de x quilos de queixo, a 9 euros o quilogramo.	9x	Nove xe	– Multiplicar 9 por x.
A área dun cadrado de lado b.	b²	Be cadrado	– Elevar b ao cadrado, ou multiplicar b por b.
A área dun rectángulo de lados a e b.	ab	A be	– Multiplicar a por b.
O volume dunha esfera de raio r.	4/3πr³	Catro terzos de pi erre cubo	– Dividir 4 entre 3, o resultado multiplicalo por pi e logo multiplicar o anterior polo resultado de elevar r ao cubo..

Observe que na linguaxe alxébrica o signo de multiplicar entre letras ou entre unha letra e un número non se escribe. Exemplo: lonxitude da circunferencia = Significa que a lonxitude da circunferencia é igual a 2 multiplicado por e por r.

Licenciado baixo a Licenza Creative Commons Recoñecemento Non-comercial Compartir igual 3.0

« Anterior | Seguinte »