2.1.1 Fontes de calor naturais e artificiais

Un obxecto é fonte de calor cando dá calor, e polo tanto está máis quente que os obxectos que reciben a enerxía (calor). Existen fontes de calor naturais e fontes artificiais. As artificiais son as creadas polo home e as naturais son aquelas nas que o home non interveu. Exemplos destas fontes de calor son:

• O sol proporciona calor de forma natural. A enerxía que irradia o sol dálle luz e calor á terra aínda que se atopa a gran distancia dela. O sol é, xa que logo, a máis importante fonte natural de calor que coñecemos.
• A calor interna da terra é outra fonte de calor natural, que aproveitamos en forma de enerxía xeotérmica.
• O lume dunha fogueira, o que se produce nun queimador dunha cociña, son fontes artificiais de calor, pois a enerxía que se transforma en calor é a da combustión que ten lugar ao queimar leña, carbón ou butano.
• As estufas, os quentadores e os ferros de pasar son fontes de calor artificiais, que transforman a enerxía eléctrica en calor.