1.3 Obxectivos didácticos

Identificar a calor como forma de transferencia de enerxía entre dous corpos cando están a distinta temperatura.

Pór exemplos cotiáns das formas de propagación da calor.

Diferenciar entre calor e temperatura.

Saber expresar e converter temperaturas en distintas escalas termométricas.

Recoñecer os fenómenos de dilatación e cambio de estado como efectos da calor sobre os corpos.

Representar graficamente e interpretar táboas de datos sobre a relación entre a achega de calor a un corpo e o seu incremento de temperatura.

Identificar formas de adaptación dos seres vivos aos cambios de temperatura.

Saber utilizar letras para simbolizar cantidades descoñecidas e traducir expresións da linguaxe cotiá á alxébrica e viceversa.

Recoñecer e usar as expresións alxébricas e calcular o seu valor para un determinado valor numérico.

Distinguir os elementos básicos dos monomios e realizar operacións con eles.

Distinguir os elementos básicos dun polinomio e realizar operacións con eles.

Identificar as igualdades notables.

Utilizar as igualdades notables e a extracción do factor común na descomposición en factores dun polinomio, para os efectos de simplificación de expresións alxébricas.