2.3.4 Calor latente de cambio de estado
Calor latente de cambio de estado é a cantidade de calor que ten que absorber 1 kg dunha substancia para cambiar de estado de agregación.
Por exemplo, para fundir 1 kg de xeo a 0ºC e pasalo a auga líquida a 0ºC (lembre que durante a fusión a temperatura non cambia) hai que lle dar ao xeo 334 kJ de calor; así que a calor de fusión do xeo é de 334 kJ/kg [lembre que 1 kJ = 1000 J].
De xeito análogo, a calor latente de vaporización (ou ebulición) é a cantidade de calor que cómpre darlle a 1 kg dun líquido para o transformar completamente en vapor. No caso da auga, a calor de vaporización é de 2 257 kJ/kg.
|
Táboa de calores latentes (kJ/kg) |
||
|
Substancia |
Calor latente de fusión |
Calor latente de vaporización |
|
Auga |
334,4 |
2.257 |
|
Alcohol |
108,9 |
840 |
|
Octano (gasolina) |
180,8 |
299 |
|
Ferro |
275 |
6.332 |
|
Aluminio |
395 |
10.519 |
|
i |
Cando o cambio de estado se produce no sentido vapor → líquido → sólido, a substancia libera calor en vez de absorbela. Así, cando 1 kg de vapor de auga condensa a líquido, desprende 2.257 kJ de calor; é dicir, desprende a calor latente de vaporización. |
Actividades propostas
S12. Observamos que para fundir 4 kg de estaño temos que quentalo con 244 kJ de calor. Cal é a calor latente de fusión do estaño?
S13. Queremos vaporizar 800 gramos de alcohol (calor latente de vaporización 840 kJ/kg). Canta calor temos que lle subministrar ao alcohol para o vaporizar?
S14. Oito quilogramos de auga líquida conxelan. Canta calor desprenden?
Licenciado baixo a Licenza Creative Commons Recoñecemento Non-comercial Compartir igual 3.0