3.1.1 Utilidade e significado

Na linguaxe alxébrica utilizamos letras para expresar números de valor descoñecido ou indeterminado. A continuación veremos algunhas das utilidades da álxebra:

Para expresar propiedades das operacións aritméticas (identidades)

Exemplo: a propiedade distributiva. “O produto dun número por unha suma é igual á suma dos produtos parciais do número por cada sumando”. Esta propiedade, coa linguaxe alxébrica, quedaría da seguinte maneira:

a · ( b + c ) = a · b + a · c

Para manexar números de valor indeterminado e as súas operacións (expresións alxébricas)

Exemplos:

• Un número natural ........................................................................................................... a
• O seguinte número natural ......................................................................................... a + 1
• O dobre do número ........................................................................................................ 2a
• Outro número oito unidades menor ........................................................................... a – 8
• O cadrado do número mais o triplo do número ........................................................ a² + 3a

Para expresar a relación entre varias variables de magnitudes distintas (fórmulas)

Para expresar relacións que faciliten a resolución de problemas (ecuacións)

Exemplo: atopar un número tal que o cuádruplo do devandito número mais vinte unidades sexa igual a sesenta e oito.