Definición:
Medida dunha esfera (neste caso unha pelota) se a rodeamos pola súa parte máis ancha.
Exemplo:
Medimos a circunferencia dunha pelota cunha cinta métrica.
Definición:
Substancia viscosa que no balonmán se coloca no balón para aumentar o agarre, evitando que esvare.
Exemplo:
A resina dos balóns haina que mudar cada certo tempo.
O balonmán é un deporte de pelota no que se enfrontan dous equipos de 7 xogadores ou xogadoras cada un (6 de campo e unha/un porteira/o), tendo como obxectivo meter gol na portería do equipo contrario. Cando un xogador ou xogadora ten a pelota, debe desprazarse botando o balón, ou ben dando un máximo de 3 pasos sen botar. Este deporte é olímpico dende 1972 na súa disciplina masculina e dende 1976 na feminina. 
Terreo de xogo: xógase nunha pista rectangular de 40 metros de longo por 20 metros de largo. Esta, está dividida en dúas metades, tendo cada unha delas unha portaría rodeada por unha área para o/a porteiro/a, na que os xogadores de campo non poden entrar.
Material empregado: ó balonmán xógase cunha pelota dun tamaño suficiente para ser agarrada cunha soa man (55-60 centímetros de circunferencia). É habitual que se lle bote resina á pelota para mellorar o agarre.
O balonmán é un deporte de pelota no que xogan dous equipos.
Cada equipo de balonmán ten 7 persoas.
Unha delas é o porteiro ou porteira.
O balonmán é un deporte olímpico.
A pista de balonmán ten forma de rectángulo.
A pista de balonmán ten 40 metros de longo e 20 metros de largo.
A pista de balonmán ten dúas portarías.
A pista de balonmán ten dúas áreas, unha para cada porteiro ou porteira.
As persoas que no son o porteiro ou a porteira non poden entrar na área.
Ao balonmán xógase cunha pelota.
A pelota de balonmán ten un tamaño que permite collela cunha soa man.
A continuación, tes varios exemplos de xogos e actividades de floorball, que podes empregar nas sesións de adestramento xunto ao resto de integrantes do teu equipo.
Entre os integrantes do teu equipo debedes conseguir realizar 10 pases sen que se vos escape a pelota. Para engadirlle dificultade, pódense facer dous equipos, mentres que un deles ten a pelota o outro intenta roubarlla.
Xógase cunha pelota por cada parella. Unha das dúas persoas comeza atacando e a outra defendendo. A persoa que ataca debe intentar facer gol na portería superando a defensa, cumprindo coas normas de bote e dos 3 pasos.
Todas as persoas que participan no xogo móvense libremente polo espazo. Unha persoa do equipo ten unha pelota de escuma, e ten que moverse botando o balón. No momento que algún xogador diga "xa!", a persoa coa pelota dará tres pasos contando en alto, para acabar lanzándolla un compañeiro ou compañeira. Este último, será quen leve a pelota na seguinte quenda.
Unha persoa do equipo ten que fuxir das demais, estas intentan golpearlle con pelotas de escuma. Cando unha pelota impacta na persoa que fuxe, esta cámbiase coa persoa lanzadora que lle golpeou.
Por quendas, cada integrante do equipo debe realizar unha secuencia con balón de cara a tirar á portería. As outras persoas deben imitar posteriormente a secuencia realizada. Unha vez que todos e todas imitaron á primeira persoa, cambiamos para a seguinte e así sucesivamente.
Eliximos entre as persoas a xogar unha zona da portería, por exemplo a parte inferior dereita. Faise unha fila e cada persoa intenta meter a pelota pola zona seleccionada. Unha vez que todo o mundo lanza, cámbiase a zona da portería.
Licenciado baixo a Licenza Creative Commons Atribución Non-comercial Compartir igual 4.0