O camiño é...
Os pasos que debes seguir durante as fases para chegar a acadar o reto:
NA FASE 1: Descubrirás o porqué da nosa situación de aprendizaxe e o reto que tendes que conseguir en equipo.
NA FASE 2: Verás o que sabes dos valores do deporte, do Espírito Olímpico, das funcións dentro dun equipo e os medios de comunicación que coñeces.
NA FASE 3: Dividirémola en dúas partes:
-
- PRETEMPADA: Na que traballaredes todos xuntos, mellorando as capacidades físicas básicas a través do atletismo, como deporte rei das Olimpíadas.
- LIGA COOPERATIVA: Xogaredes ao floorball e ao balonmán. Aquí, crearedes os vosos equipos, mixtos e equilibrados, liderados por un capitán ou capitana e, alternaredes días de adestramento cos días de partido . O día que o teu equipo non xogue, organizaredes a xornada de competición.
NA FASE 4: Crearedes a vosa noticia a partires da experiencia vivida na liga. Elixiredes o formato que queirades (son, vídeo ou texto), e despois, faredes unha presentación ao resto da clase.
NA FASE 5: Avaliaredes a vosa participación durante o proceso, e reflexionaremos sobre os valores do deporte e como poñelos en práctica na competición, para evitar o exceso de conflitividade. E para rematar, faremos unha gala final, na que haberá unha entrega de premios e trofeos, como calquera competición de verdade.
Lectura facilitada
Seguiremos estes pasos para acadar o reto:
NA FASE 1: Coñecerás o reto que tendes que conseguir en equipo.
NA FASE 2: Veremos o que sabes de varias cousiñas:
- Que sabes do Espírito Olímpico.
- Como funciona un equipo.
- Que medios de comunicación coñeces.
NA FASE 3: Divídese en tres partes:
1ª) A PRETEMPADA:
- Farémola todos xuntos.
- Practicaremos atletismo.
- Melloraremos as capacidades físicas básicas.
2ª) A LIGA COOPERATIVA:
- Xogaredes ao Floorball e ao Balonmán.
- Crearedes os vosos equipos.
- Serán de nenos e nenas.
- O dirixirá un capitán.
- As clases da semana serán unha de adestramento e outra de partido.
- Total 12 clases de competición.
3ª) A GALA FINAL:
- Será unha entrega de premios e trofeos.
NA FASE 4:
- Crearedes a vosa noticia.
- Podedes elixir son, vídeo ou texto.
- Faredes unha presentación ao resto da clase.
NA FASE 5:
- Faredes unha avaliación persoal
- E outra de equipo.
- Ao final, faremos unha reflexión conxunta sobre como competir e reducir os conflitos.