Función de relación
As plantas, como todos os seres vivos, relaciónanse co ecosistema no que viven e responden a distintos estímulos como a luz, a temperatura, a humidade... É a súa forma de comunicarse e conectar co mundo que as rodea. Esta función axúdalles a medrar, sobrevivir e adaptarse ao seu entorno.
Por iso, se queremos que o noso horto sexa saudable e produtivo, á hora de deseñalo, deberemos ter en conta como se comunicarán e influirán as plantas entre si. Por exemplo:
- Algunhas plantas poden atraer polinizadores, que son insectos ou animais que axudan ás plantas a reproducirse, como as abellas, ou a repeler pragas, que son animais ou insectos que comen as plantas e poden danalas, como os caracois. Isto beneficia a outras plantas no horto.
- As plantas necesitan diferentes cantidades de luz e a súa disposición no horto debe ter en conta como se relacionan coa luz solar para mellorar o seu crecemento.
-
As plantas tamén responden á humidade do chan. Un bo deseño do horto pode axudar a xestionar o rego de xeito que todas as plantas reciban a cantidade adecuada de auga.
Lectura facilitada
As plantas relaciónanse co ecosistema no que viven e responden á luz,
á temperatura, á humidade.
Para deseñar o horto debes ter en conta como se relacionarán as plantas entre si.
Por exemplo:
- Algunhas plantas poden atraer polinizadores, que son animais ou insectos
que axudan ás plantas a reproducirse, como as abellas. - Outras poden repeler pragas, que son animais ou insectos
que comen as plantas e poden danalas, como o caracol. - Todas as plantas necesitan diferentes cantidades de luz.
- As plantas responden á humidade do chan.
As ramas e as follas medran cara a luz.
As raíces medran onde hai auga.
Algunhas plantas enróscanse ao tocar unha superficie sólida.
Flores que se abren cando amence e se pechan cando anoitece.
Flores que se xiran seguindo ao sol.
Plantas carnívoras que pechan as follas para capturar os insectos.
Procedemento:
Procedemento: