Fase 2: Fotosíntese
Xa nas follas, o zume bruto se mestura co dióxido de carbono e a enerxía solar que captan as follas a través da clorofila, que é unha substancia de cor verde que lle dá ás plantas a súa cor característica. Esta mestura forma o zume elaborado, que é o alimento da planta. Durante este proceso chamado fotosíntese, despréndese osíxeno.
A fotosíntese é un proceso moi importante porque:
- Proporciona enerxía ás plantas permitindo que medren, formen flores, froitos e raíces.
- Mantén a vida na Terra, xa que, grazas a ela, as plantas producen o osíxeno que todos necesitamos para vivir.
Lectura facilitada
Nas follas, o zume bruto mestúrase co dióxido de carbono do aire e a luz do sol.
As follas captan a luz do sol a través da clorofila.
A clorofila é unha substancia de cor verde que lle dá a súa cor ás plantas.
A mestura do zume bruto, o dióxido de carbono e a luz do sol chámase zume elaborado.
O zume elaborado é o alimento da plantas.
Este proceso chámase fotosíntese.
Na fotosíntese despréndese osíxeno.
A fotosíntese é moi importante.
Proporciónalle enerxía ás plantas.
Permite a vida na Terra porque producen osíxeno.
