Como todos os seres vivos, as plantas necesitan reproducirse, para ter descendentes e non desaparecer. Saber como se reproducen, será fundamental á hora de crear o noso horto escolar por varias razóns:

• Coñecer os métodos de reprodución das plantas permitiranos elixir as plantas máis axeitadas para o horto asegurando que se adapten ben ao seu entorno.
• Entender os diferentes métodos de reprodución, como a plantación de sementes ou o uso de pugas, axudaranos a elixir o mellor xeito de cultivar as plantas que desexamos.
• Ademais, saber cando e como se reproducen axudaranos a planificar o calendario de sementeira e permitiranos ver o seu ciclo completo de crecemento. 

Nas seguintes páxinas, aprenderás moitas cousas sobre os dous tipos de reprodución das plantas, asexual e sexual. Adiante!