Comezamos
Antes de poñerte mans á obra co noso reto, é fundamental que te informes e investigues sobre os distintos elementos que debe ter un horto.
Coñecerás plantas autóctonas galegas e cando é o mellor momento de cultivalas, investigarás como se relacionan, descubrirás como se alimentan e, finalmente, coñecerás como se reproducen. Todo iso será de moita axuda para a planificación e deseño do noso horto.
Aprenderás sobre as funcións vitais das plantas: relación, nutrición e reprodución.
Lectura facilitada
Para facer o noso horto, primeiro tes que aprender varias cousas:
- Que plantas de Galicia podes plantar e cando é o mellor momento.
- Como se comunican as plantas e como se relacionan entre elas.
- De que se alimentan as plantas.
- Como nacen novas plantas.
Todo isto axudarache a pensar e a deseñar o teu propio horto.
Aprenderás sobre as tres funcións máis importantes das plantas:
- Relación
- Nutrición
- Reprodución.