Saltar navegación

A economía na Prehistoria

 

Glosario

Economía predadora

Imaxe dunha Economía predadora

Definición:

Conxunto de actividades humanas propias do Paleolítico, como a recolleita (de froitos, sementes e raíces), a caza e a pesca. De aí que a poboación fora nómade e cambiase de territorio en función dos recursos dispoñibles.

Exemplo:

A caza é unha actividade humana predadora. 

Economía produtora

Imaxe dunha Economía produtora

Definición:

Tipo de economía que xorde no Neolítico. Nela desenvólvense actividades humanas relacionadas coa produción, como a agricultura, a gandaría e o intercambio de bens. Isto supuxo que o ser humano se fixese sedentario. Iníciase a especialización nas tarefas e aparecen as diferenzas sociais.

Exemplo:

A economía produtora contribúe a transformar o medio. 

No Paleolítico

As actividades económicas no Paleolítico coñécense como economía predadora. Ao principio, as máis habituais eran a recolleita de vexetais e o aproveitamento de preas. A medida que a tecnoloxía do ser humano evolucionou, porén, xeneralizáronse a caza e a pesca. Estas:

1 - Proporcionaban á reducida poboación paleolítica a posibilidade de alimentarse.

2 - Condicionaban a súa organización social, eran nómades, abandonaban o territorio tras rematar cos recursos dispoñibles no medio e non había excedentes.

3 - Non había unha división social do traballo, nin unha diferenciación social significativa.

4 - Apareceu o intercambio (troco). Ao entraren en contacto diferentes grupos humanos, difundíronse materias primas, intercambiáronse bens e tecnoloxía, crenzas e cultura.

Aquí tedes un vídeo para saber máis:

Lectura facilitada

A economía era predadora.

Ao principio recollíanse vexetais e aproveitábase a carne de animais mortos.

Máis tarde xeneralizáronse a caza, a pesca e a recolección.

Consecuencias:

1 -  Só permitían alimentarse a grupos de poboación pequenos. 

2 - Condicionaban a organización social.

3 - Eran nómades.

4 - Non había división social do traballo.

Vídeo

No Neolítico

Imaxe do mundo coas áreas de comenzo da agriculturaO descubrimento da agricultura e a gandaría hai aproximadamente uns 10.000 anos en diferentes puntos do planeta, tras un importante cambio climático, dá paso a unha economía produtora. Unha revolución na historia da humanidade:

  1. Un incremento demográfico e a aparición do excedente.
  2. Iniciouse a diferenciación social (coa propiedade privada).
  3. Apareceron novas actividades económicas (cerámica, téxtil) coas que o ser humano comezou a transformar o medio.
  4. Xeneralizouse o progreso, cunha maior precisión e diversidade tecnolóxica. Por exemplo, o puído e a cerámica. Destaca a invención da roda, que foi un dos avances tecnolóxicos máis importantes do Neolítico, hai aproximadamente uns 5.000 anos no antigo Exipto e Mesopotamia. Non sabemos quen a inventou, pero si que fixo máis fácil o traballo e o transporte (fíxate no carro da cerámica).

Lectura facilitada

A economía do Neolítico era produtora.

Descubríronse a agricultura e a gandaría.

Foi unha revolución que tivo consecuencias:

Aumentou a poboación.

Apareceron os excedentes.

Aumentou a desigualdade social.

Apareceu a propiedade privada.

Apareceron novas actividades económicas.

Empezáronse a traballar a cerámica e os tecidos.

As ferramentas diversificáronse e fixéronse máis precisas.

Na Idade dos Metais

Xoias da Idade dos Metais

A partir da Idade dos Metais, coas novas actividades económicas e o aumento demográfico, teremos unha maior separación de actividades por sexo.

Por exemplo, as mulleres destacan nos labores agrícolas e os homes desempeñan os labores relacionados coa metalurxia, o manexo das armas ou a administración e a relixión. 

Non só se establece unha diferenciación sexual, senón tamén unha xerarquización, dando lugar á consolidación de sociedades patriarcais. 

Lectura facilitada

Na Idade dos Metais hai máis separación de actividades por sexo.

As mulleres destacan nos labores agrícolas.

Os homestraballan os metais ou manexan as armas.

Iso empeza a xerarquizar a sociedade.

Tamén aparecen as sociedades patriarcais.

Feito con eXeLearning (Nova xanela)