Xa lle botastes un ollo aos obxectos que chegaron nas caixas? Todos eles son valiosas fontes para o estudo da Prehistoria.
Coñecías algún deles? Sabes para que se usaban ou de que estaban feitos? Serías quen de dicir a que etapa da Prehistoria pertencen?
Non son preguntas doadas, pero lembrade que non estades sós e soas neste reto.
O profesor Paco vaivos facilitar un glosario cos conceptos máis importantes para resolver estas dúbidas. Non esquezades consultalo sempre que o precisedes. Está no encabezamento de cada páxina!
O traballo de Elba, a nosa arqueóloga, tamén será de grande axuda para coñecer un pouco máis sobre os obxectos. Por certo, sabiades que o nome da vosa arqueóloga é o mesmo que o da "primeira galega"? Podedes descubrilo na seguinte ligazón.
Lectura facilitada
Xa lle botastes un ollo aos obxectos que chegaron nas caixas?
Todos eles son valiosas fontes para o estudo da Prehistoria.
Coñecedes algún deles?
Sabedes para que se usaban?
E de que estaban feitos?
Tamén a que etapa da Prehistoria pertencen?
Non son preguntas doadas, pero lembrade que non estades sós e soas neste reto.
O profesor Paco resolveravos estas dúbidas.
Non esquezades preguntarlle sempre que o precisedes.
Elba, a nosa arqueóloga, tamén será de grande axuda.
O nome da nosa arqueóloga é o mesmo que o da primeira galega.