Saltar navegación

2.2. Demostra o que sabes

 

Glosario

Fontes históricas

Imaxe dunha mesa con documentos antigos

Definición:

Todo obxecto, debuxo ou documento que nos permita coñecer algún aspecto da Historia da humanidade.

Exemplo:

O cranio de Miguelón en Atapuerca é unha fonte histórica.

Idade dos Metais

Fotografía de metais prehistóricos

Definición:

Última etapa da Prehistoria. Vai desde o desenvolvemento da metalurxia (fabricación de obxectos en metal), arredor do 5.000 a. C., ata aproximadamente o ano 1.000 a. C. Divídese en tres períodos: Idade de Cobre, Idade de Bronce e Idade de Ferro.

Exemplo:

A Idade dos Metais é unha das etapas da Prehistoria.

Neolítico

Imaxe dun poboado neolítico

Definición:

Etapa da Prehistoria posterior ao Paleolítico. Vai desde o desenvolvemento da agricultura e a gandaría (arredor do 10.000 a. C.) ata a invención da metalurxia (arredor do 5000 a. C.). Nesta época os seres humanos produciron os seus propios alimentos e fixéronse sedentarios. As ferramentas perfeccionáronse.

Exemplo:

No Neolítico os útiles son máis precisos.

Paleolítico

Imaxe dun asentamento Paleolítico

Definición:

Primeira das etapas da Prehistoria. Vai desde hai uns 4 m. a. (millóns de anos) ata aproximadamente o 10.000 a. C. Nela os nosos antepasados fabricaron os primeiros útiles de pedra. Fixérono golpeando as pedras unhas contra as outras, ata conseguiren a forma desexada.

Exemplo:

As pinturas de Altamira son do Paleolítico. 

Presta atención

Lembrar o que xa coñecedes sobre a Prehistoria antes de seguir aprendendo máis cousas é fundamental para acadar o reto.

Por exemplo, lembrades que é o período máis longo de toda a historia da humanidade? Seguro que si.

E lembrades tamén que para facilitar o seu estudo adoitamos dividila en varias etapas? Facede memoria. 

Se non vos acordades, podedes premer no botón Repasa.

Lectura facilitada

Lembrar o que xa coñecedes sobre a Prehistoria é moi importante.

Se o lembras poderás aprender máis cousas.

Tamén poderás acadar o reto.

Lembra que é o período máis longo da historia da humanidade.

Para estudala mellor dividímola en varias etapas.

Se non vos acordades, premede no botón Repasa.

Repasa

Prehistoria xeral

Paleolítico

4.000.000 - 10.000 a. C.

Mesolítico

Neolítico

10. 000 a. C.

Idade dos Metais

Cobre, Bronce, Ferro

5.000 - 700 a. C. 

Prehistoria peninsular

Paleolítico

1.300.000 - 35. 000 a. C. 

Neolítico

6.000 - 3. 000 a.C. 

Idade dos Metais

Cobre, Bronce, Ferro

3.000 - 600 a. C. 

Prehistoria en Galicia

Paleolítico

250.000 a. C. 

Neolítico

5. 000 a. C. 

Idade dos Metais

3.000 - 600 a. C.

Exacto! Paleolítico, Neolítico e Idade dos Metais.

E que dicides dos obxectos de cada unha destas etapas que veñen nas caixas? Que tipo de fontes históricas son? Para que servirían? De que están feitos e como foron fabricados? Estas son as preguntas apaixonantes que Elba trata de resolver día a día no seu traballo.

E ti, atreveríaste a facer un pouco de arqueoloxía no futuro?

Anímate coas actividades que tes a continuación.

Lectura facilitada

Exacto! 

Paleolítico, Neolítico e Idade dos Metais.

De que etapa son os obxectos que veñen nas caixas?

Que tipo de fontes históricas son os obxectos? 

Para que servirían?

De que están feitos e como foron fabricados?

Estas preguntas son apaixonantes.

Elba todos os días resolve preguntas como estas no seu traballo.

E ti, atreveríaste a facer un pouco de arqueoloxía no futuro?

Anímate coas actividades que tes a continuación.

Ordena a Prehistoria

Serás quen de ordenar cronoloxicamente os seguintes restos arqueolóxicos?

  • Un fósil de dinosauro.
  • Un arpón de óso paleolítico.
  • Unha xarra de cerámica neolítica.
  • Un brazalete de cobre de hai 5000 anos .
  • Un escudo de bronce do II milenio a. C.
  • Un escudo de aceiro.
  • Unha inscrición nunha tumba.

Comprobar

Correcto!

202541382045-120
Actividade non completada#Actividade superada. Puntuación: %s#Actividade non superada. Puntuación: %s#Lista desordenada

Síntoo... a resposta correcta é:

Verdadeiro ou falso?

Pregunta 1

O Paleolítico é a última das etapas da Prehistoria.

Pregunta 2

A Prehistoria comeza a partir da aparición dos primeiros textos escritos.

Pregunta 3

A Idade dos Metais divídese en Idade de Cobre ou Calcolítico, Idade de Bronce e Idade de Ferro. 

Pregunta 4

Co descubrimento do lume rematou a Prehistoria.

Pregunta 5

O Homo sapiens apareceu no Neolítico en África.

Pregunta 6

A cronoloxía da Prehistoria é a mesma en todos os puntos do planeta.

A Prehistoria sen fontes arqueolóxicas

Algunha vez pensaches o importante que son as fontes arqueolóxicas para datar e coñecer a Prehistoria?

Imaxinas que non conservásemos ningunha fonte de lugares como Atapuerca, Altamira ou dos principais xacementos prehistóricos de África? Non, seguro que non! 

Tampouco o poden imaxinar os científicos e científicas dedicados ao estudo desta etapa da Historia da humanidade.

Partindo desta hipótese, e dos obxectos das caixas:

1. Fai no teu caderno de aula unha táboa coma esta.

2. Escolle tres obxectos que consideres unha fonte arqueolóxica do Paleolítico.

3. Fai o mesmo co Neolítico e a Idade dos Metais.

4. Durante a realización da actividade, pensa un pouco na túa elección.

As fontes arqueolóxicas

Paleolítico

- 

- 

- 
Neolítico

- 

- 

- 
Idade dos Metais

- 

- 

- 
Por que?

Feito con eXeLearning (Nova xanela)