Todo evento social, cultural ou lúdico ten que planificarse con coidado, para evitar problemas que dificulten gozalo unha vez organizado. Imaxinade que nos atrevemos a montar a nosa exposición sen unha organización previa... Que podería pasar?
A continuación dámosvos algunhas recomendacións que debedes seguir en canto á organización e desenvolvemento do evento:
| Aspectos a ter en conta na montaxe da exposición |
|
|
Obxectos da exposición |
Identificalos. Datalos. Indicar que características teñen a través dunhas breves e sinxelas fichas de catalogación. Contamos coa axuda de Elba e Paco. Seleccionalos. Evitar que reciban calquera dano na montaxe. |
|
Espazo da exposición |
Buscamos, coa axuda do profesorado, o lugar idóneo no centro (luz, humidade, ventilación) para exhibir as pezas. Tomamos as medidas de seguridade necesarias. Necesitades axuda externa como alarmas ou gardas de seguridade? |
| Horarios |
Cal será a franxa horaria da exposición? Tede en conta que estamos nun centro educativo. Canto tempo durará a exposición? Pechará as fins de semana? |
| Público |
A que tipo de público nos diriximos? Cal será o número máximo de visitantes por día? Cantos visitantes caben no espazo da exposición? |
| Roles dentro da exposición |
Que roles teredes as persoas organizadoras? Guías, vixiantes... Cales son as funcións específicas de cada persoa? Como se asignarán eses roles entre as persoas organizadoras? Os roles serán rotativos? |
| Uso das TICs |
Que grao de competencia dixital tedes? Necesitades axuda do profesorado? Que medios tedes? |
| Promoción |
Cando e a través de que medios? |
| Custo económico |
Quen se fará cargo dos gastos que xurdan durante o reto? |
| Avaliación |
Que aspectos podemos mellorar? Cales son os mellores instrumentos de avaliación? |
Se xa tedes claro isto, é o momento de comezar.
Para rematar esta sesión debedes preparar o espazo e facer unha simulación entre vós.
Lectura facilitada
Os eventos teñen que planificarse con coidado.
Tamén os eventos sociais, culturais ou lúdicos.
Así evítanse problemas que dificulten gozalos.
Imaxinades montar unha exposición que nos atrevemos a montar a nosa exposición sen unha organización previa.
Que podería pasar?
Dámosvos algunhas recomendacións para organizar o evento.