Agora que refrescastes os vosos coñecementos xa podedes dar os primeiros pasos cara a vosa exposición.

Imos a eito!

Estades listos e listas para converter o voso centro nun pequeno museo da Prehistoria?

Temos un montón de material para amosar esta etapa aos vosos compañeiros e compañeiras. Xa só vos queda organizalo ben para que axude a coñecer mellor as diferentes etapas e características da Prehistoria.

Unha vez que saibades organizar os obxectos, poderedes decidir como queredes presentar a vosa actividade e que tipo de exposición ides facer no centro.

Para planificar o voso traballo podedes pensar nalgunha das exposicións que coñecedes. Por exemplo, podedes facer unha visita virtual a un museo sobre a Prehistoria.