Aprende a facer unha lista de definicións
Cantas veces estás lendo un texto e atopas palabras que non coñeces ou cuxo significado non recordas? Isto é normal que suceda.
Cando atopas unha palabra nova, o habitual é buscar o seu significado nun dicionario ou nun buscador web.
Con frecuencia hai moitas palabras descoñecidas, e pode resultar complicado recordalas todas elas. Por iso, tes que usar un glosario, é dicir, unha lista de palabras importantes que aparecen nun texto e que axuda a comprendelo.
Audio
Que debe incluír nun glosario
Definición da palabra
As palabras do glosario levan unha definición clara do seu significado.
Debuxo ou foto
Esta definición vai apoiada con debuxos ou fotos.
Frase cun exemplo
Por último, achégase unha frase curta de exemplo para entender mellor o seu uso nun contexto.
Colocación en orde alfabética
Para facilitar a busca, as palabras sempre deben ir ordenadas alfabeticamente.
Exemplo dun glosario sobre planetas:
Marte
-
Definición:
-
É o cuarto planeta do sistema solar, coñecido como “planeta encarnado” pola súa cor vermella que lle provén do ferro da súa superficie.
-
Exemplo:
-
Na superficie de Marte pódense atopar moitos volcáns.
Mercurio
-
Definición:
-
Mercurio é o planeta que máis cerca está do Sol. Tamén é o máis pequeno do sistema solar.
-
Exemplo:
-
Mercurio está moi cerquiña do Sol, alí vai moita calor.
Xúpiter
-
Definición:
-
Xúpiter é o quinto planeta con respecto ao Sol. É o maior en canto a tamaño dos planetas do noso sistema solar.
-
Exemplo:
-
O planeta Xúpiter ten moito hidróxeno.
Onde adoitan estar os glosarios
Os glosarios comunmente están ao final dos libros de texto, das enciclopedias ou doutros documentos educativos ou de investigación.
Finalidade
Recordar máis facilmente as palabras novas e atopalas rapidamente se as esqueces no futuro.
Exemplos de dicionarios
Dicionario da Real Academia Galega
Moi útil ademais para: bibliografías, glosarios, nomes en galego...
https://academia.gal/dicionario
Dicionario Digalego
Neste dicionario poderás consultar: sinónimos, refráns, abreviaturas...
Ademais dos dicionarios físicos que podes consultar no colexio ou en calquera biblioteca.
Tamén existen dicionarios online: