Sabes o que é unha investigación científica?

Neno cuns prismáticos

Unha investigación científica é un proceso que lle axuda ás persoas a comprender mellor os sucesos e os fenómenos que os rodean.

É tan sinxelo como observar algo que está sucedendo, pescudar todas as causas que o producen, e aportar a solución máis axeitada.

É como ser un detective que busca dar respostas aos seus casos. Non si?

Lectura facilitada

A investigación científica axuda a entender mellor o que sucede ao noso arredor.

Moi parecido a como un detective intenta resolver os seus casos.

Segue estes pasos de forma ordenada para facer unha correcta investigación científica

Pictograma observar Mira detidamente o que sucede ao teu arredor. Toma o teu tempo.

Pictograma preguntas

Faite preguntas, que sexan variadas, son o primeiro paso dunha investigación.

Por exemplo, se fas unha proba cun obxecto, pregúntate: que cres que ocorrerá? ou que cambios sufrirá?

Pictograma planificar

Fai suposicións, é dicir, fai afirmacións temporais do que pode suceder.

Tamén planifica algunha proba máis ou experimento. Isto aportarache máis datos e información.

Pictograma rexistro de datos

Realiza todas as probas planificadas e recolle os datos de forma organizada.

Podes xerar imaxes, gráficos ou debuxos explicativos. Calquera apoio é bo para posteriormente demostrar as túas afirmacións.

Un persoa ensina unha gráfica con datos Comparte e explica o que investigaches cos demais ou coa túa clase.

Agora é cando podes usar as túas imaxes, gráficos e debuxos para mostrar e apoiar os resultados da túa investigación.

Pictograma reflexión

Por último fai unha reflexión final, é dicir, expresa o aprendido ao resto da clase.

Conta o que coñecías antes de facer o experimento e tamén conta o que aprendiches despois.

Só che queda comentar algunha utilidade da túa investigación que se poda aplicar na vida normal das persoas.

Pasos para facer unha correcta investigación científica:

Observa.
Formula preguntas.
Planifica.
Analiza e organiza os datos.
Elabora imaxes, gráficos ou debuxos para que che axuden a explicar os resultados.
Comparte o que pescudaches cos demais.
Reflexiona sobre o aprendido.

Seguidamente poderás ver un vídeo sobre como facer preguntas correctamente en galego.

Este vídeo foi extraído da canle do DígochoEu de Youtube.

Aprende a preguntar en galego.

Para preguntar en galego, nunca, nunca, nunca lle poñas acento a: quen, cando, onde, por que, como...

En galego, o pronome vai sempre antes do verbo.

Exemplo: como te chamas?

Pon o signo de interrogación ou de exclamación só ao final.

Exemplo: como te encontras?