A medio camiño
Moi bo traballo! Xa estás a medio camiño de chegar ao teu destino!
Xa sabes que a Vía Láctea é unha galaxia que está no Universo, e que o sistema solar dentro dela acolle ao planeta Terra.
Nós vivimos no continente europeo e, máis concretamente, en España.
Serías capaz de dicir alo menos outros 5 lugares nos que vives?
Unha chuvia de ideas entre toda a clase seguro que vos axuda a andar o camiño! Aquí tendes algunhas pistas:
- En que territorios se divide España?
- Cantas provincias temos en Galicia?
- Como se chama o teu concello?
Audio
Tarefa
Despois da choiva de ideas propoñémoste unha serie de retos, cada un máis complexo que o anterior:
Opción A
Escribe todos os lugares que ocupas no Mundo, desde o Universo ata a túa casa.
Opción B
Engade información á secuencia anterior, por exemplo:
- Describe a túa rúa ou casa.
- Cóntanos algún detalle da túa vila.
- Busca en que parte do globo terráqueo se atopa o teu país.
Opción C
Imaxina por un intre que en realidade o teu nome é Desmond e vives en Victoria Road, a rúa máis fermosa de Cidade do Cabo.
Serías quen de facer a secuencia dos teus lugares no Mundo partindo desta información?