Coñecer a nosa contorna é o primeiro paso para protexela. 

Se sabes cales son as especies vexetais e animais que viven ao noso carón, será moito máis sinxelo protexelas, agora e nun futuro.

Propoñémosche a seguinte actividade:

Busca un espazo natural preto da túa casa. Pode ser un parque, un monte ou mesmo un paseo fluvial.

Investiga antes de saír sobre as especies vexetais e animais que podes atopar alí.

Fai unha andaina polo lugar elixido, rexistrando toda a información que poidas relativa á súa biodiversidade:

1. Escribe o nome das especies que atopes.
2. Debúxaas no teu caderno.
3. Podes tamén facer un rexistro fotográfico.
4. Ordena a información e conta ao resto da clase os teus descubrimentos.

De seguro te sorprendes dos segredos que agochan os espazos naturais que te arrodean!