Saltar navegación

3.5. Unha longa viaxe

 

Glosario

Atmosfera

pictograma da atmosfera

Definición:

Capa de aire que arrodea a Terra.

Exemplo:

A contaminación dos coches é prexudicial para a atmosfera da Terra.

Átomo

Imaxen da extructura dun átomo.

Definición:

Cada parte invisible, inalterable e indeformable que constitúe a materia.

Exemplo:

Ao principio do Universo soamente había uns poucos átomos de materia.

Biodiversidade

Imaxe de diferentes animais e plantas

Definición:

Diversidade de especies vexetais e animais nun ecosistema.

Exemplo:

A biodiversidade é fundamental para a vida na Terra.

Contaminación luminosa

Imaxe dunha fonte de luminosidade

Definición:

Alteración da escuridade natural do medio nocturno producida polas emisións artificiais de luz. 

Exemplo:

A contaminación luminosa está a interferir na vida de moitas especies animais.

Ecosistema

Imaxe dunha paisaxe de montañas e un río.

Definición:

Conxunto de seres vivos, de orixe animal ou vexetal que conforman unha comunidade integrada, así como o medio natural no que desenvolven a súa vida.

Exemplo:

O ecosistema das dunas de Panxón está desaparecendo pola acción do home.

Sideral

Imaxe dunha estrela no espazo

Definición:

Relativo ou pertencente ás estrelas.

Exemplo:

O astronauta percorreu o espazo sideral na súa nave.

Unha longa viaxe

Persoa correndo pola praia no solpor

Seguimos a nosa aventura!

Estás a piques de iniciar unha viaxe longa pero moi emocionante!

Xa nos contaba o benquerido Hawking que a orixe do Universo foi bastante explosiva.

Copérnico puxo os corpos celestes no seu lugar, e Hipatia tivo momentos estelares, como os seus cálculos e inventos incribles.

Agora toca afondar nestas fascinantes ideas, nas que te propoñemos algúns retos que soamente os máis intrépidos serán quen de resolver!

Que che agarda na segunda parte desta aventura?

Sabemos que será unha tarefa esixente, pero ao rematar sentirás a satisfacción do reto acadado, nada menos!

  • Afondarás nas teorías sobre a orixe do Universo.
  • Coñecerás como se orixinaron as primeiras formas de vida, e que ten que ver iso contigo.
  • Saberás situarte no espazo e no tempo, nunha viaxe desde o mesmo universo ata a porta da túa casa.
  • Aprenderás a protexer a túa contorna, como parte dunha sociedade responsable.

Feito con eXeLearning (Nova xanela)