O cambio climático é unha realidade
Xa chegamos ao final desta fase, e aínda que durante esta viaxe coñecemos a varios persoeiros que fixeron historia no mundo, será Greta Thumberg a encargada de presentarvos a seguinte tarefa:
Como xa sabedes, son unha activista ambiental sueca coñecida por desafiar aos líderes mundiais a tomar medidas inmediatas para mitigar os efectos do cambio climático.
O voso obxectivo: explicar o cambio climático
O cambio climático ten grandes consecuencias para a vida na Terra. Unha delas é o cambio nas paisaxes que nos rodean. O voso reto final consiste en buscar un lugar no tempo no que che gustaría vivir.
Como podemos viaxar no tempo, podemos ir ao pasado ou a o futuro, propoñémoste atopar imaxes de diferentes lugares do mundo que amosen a súa transformación por culpa do cambio climático. Podedes utilizar diferentes fontes de información:
- Revistas científicas.
- Webs especializadas en ecoloxía e natureza.
- Fotografías antigas da vosa contorna, combinadas con outras que realizades vós mesmos.
Deste xeito terás información de como o clima cambia ao longo do tempo e poder escoller un momento da liña do tempo ao que viaxar para cambiar o futuro.
Podes empregar tesoiras, pegamento, rotuladores, pintura, adhesivos e outros materiais decorativos.
Ao rematar esta tarefa, explicade ao resto de compañeiros e compañeiras as vosas creacións
Poderiades elaborar un mural, realizar un vídeo dun paseo polos arredores da vosa vila, ou unhas entrevistas a persoas maiores da vosa veciñanza que conten as súas lembranzas da paisaxe de hai décadas, do que xa non está e xa non volverá (dunas, ríos caudalosos, carballeiras, soutos...). Seguro que os resultados vos sorprenderán!
