Nos últimos 40 anos as desigualdades entre os máis ricos e os máis pobres, entre a pobreza e a riqueza extremas, aumentaron.

• Dende os anos 80 do século pasado, a metade da renda mundial está en mans do 10% máis rico.
• No 2023, o 10% das persoas máis ricas acumulan o 52% da riqueza do mundo, e destes, o 1% acapara o 63% da riqueza producida no mundo nos dous anos anteriores; é dicir, a fortuna dos milmillonarios é cada vez maior.

Na actualidade, preto de 700 millóns de persoas no mundo viven na pobreza extrema, é dicir, con menos de 2,15 dólares ao día. Aínda que a tendencia dos anos anteriores ía cara a súa diminución progresiva, o COVID-19 e os conflitos e violencia dificultan a recuperación dos países máis pobres do mundo, especialmente en partes de África subsahariana.

Calcúlase que un de cada seis nenos (aproximadamente 333 millóns de nenos e nenas no mundo) viven en situación de extrema pobreza, o que se traduce nunha deficiente nutrición, falta de acceso a servizos básicos (como sanidade e educación) e contornos de violencia que lles impiden medrar con saúde e oportunidades.

Dende os anos 90 está en vigor a Convencion sobre os Dereitos do Neno, un tratado internacional que recolle un conxunto de normas centradas en protexer aos nenos, as nenas e os adolescentes (menores de 18 anos) contra todo tipo de violencia e explotación, garantir o acceso a saúde, a educación a políticas sociais que garantan os seus dereitos. É un tratado de obrigado cumprimento para os 196 países que o subscriben, e ten un alcance case universal, xa é adoptado por todos os países do mundo salvo os EEUU.

Preme sobre o gráfico para velo mellor.

Aínda que nos últimos anos se lograron moitos avances cara á igualdade, no 2024 case unha cuarta parte dos Gobernos mundiais recoñecen que os dereitos das mulleres e das nenas retrocederon ante un aumento da discriminación e un menor financiamento aos programas e institucións que protexen as mulleres.

Cando as mulleres e nenas saen adiante, todas as persoas prosperamos. Con todo, os dereitos humanos das mulleres están a ser atacados en todo o mundo. En lugar de asistir a unha xeneralización da igualdade de dereitos, o que se está xeneralizando é a misoxinia. En conxunto, debemos manternos firmes para facer que os dereitos humanos, a igualdade e o empoderamento fáganse realidade para todas as mulleres e nenas, para todas as persoas, en todas partes”,

António Guterres, Secretario Xeral das Nacións Unidas. ONU mulleres.

 Algúns datos:

• Cada 10 minutos unha muller o unha nena é asasinada pola súa parella ou alguén da súa familia.
• Menos do 50% das mulleres en idade de traballar están no mercado laboral, e tanto en Asia meridional e occidental como en África setentrional o número é aínda menor.
• O traballo doméstico e de cuidados non remunerados aínda recae de maneira desproporcionada nas mulleres, o que limita o seu potencial económico.
• A participación das mulleres en postos de responsabilidade en política ou nas grandes empresas segue a ser pequeno, estando moi por debaixo de acadar a paridade.

Preme sobre a imaxe para vela máis grande.

E algunhas solucións:

É necesario polo tanto seguir a tomar medidas para lograr a igualdade entre os sexos e achegarse ao cumprimento dos obxectivos previstos na Axenda 2030 para o Desenvolvemento Sustentable. As propostas da ONU ao respecto inclúen un novo Programa de Acción Beijing+30, que pon especial atención a medidas como:

•  Garantir a igualdade de acceso á tecnoloxía, e a seguridade das mulleres e nenas.
•  Erradicación da pobreza, protección social, cobertura sanitaria universal, educación.
•  Poñer fin á violencia contra as mulleres e nenas.
•  Garantir o pleno poder de decisión e a participación das mulleres.