2.2. Escoitando os sons da cidade

Glosario

Cidade

Definición:: Asentamento con servizos e funcións que atenden o territorio que a rodea, e cunha poboación que non se dedica principalmente nin á agricultura nin á gandaría.
Exemplo:: Tokio é a cidade coa maior cantidade de poboación do mundo.

Sector industrial

Definición:: Sector económico que se encarga de transformar materias primas en bens elaborados ou semielaborados. Sector secundario.
Exemplo:: A siderurxia é unha actividade propia do sector secundario.

Sector servizos

Definición:: Sector económico que engloba aquelas actividades que xeran servizos para satisfacer as necesidades de calquera poboación. Sector terciario.
Exemplo:: Comercio, transportes, espectáculos son actividades propias do sector servizos.

Xeografía Urbana

A xeografía urbana é unha parte da xeografía que estuda as cidades: a súa formación, transformación, características e ademais axúdanos a coñecer as cidades, a saber como funcionan e como inflúen na vida das persoas.

Que é unha cidade?

Unha cidade é un asentamento que conta con servizos que presta á súa poboación e á do territorio que a rodea. Adoita ter edificios altos e elevada densidade de poboación, pero non sempre é así.

Fotografía de Tokio,claro exemplo de gran cidade, nela residen uns 13 millóns de persoas — **Tokio é un claro exemplo de gran cidade, nela residen uns 13 millóns de persoas**

Na actualidade xa máis do 50% da poboación mundial reside nas cidades.

Características das cidades:

Aínda que hai cidades diferentes unhas das outras, todas elas teñen unhas características comúns:

Construcións: as vivendas adoitan agruparse no centro urbano en edificios máis ou menos altos para aforrar espazo xa que este é moi escaso e polo tanto caro.

Fotografía de grandes rañaceos. — **Nas cidades frecuentemente predominan as vivendas en altura**

Transporte: os residentes nas cidades poden desprazarse empregando unha variada gama de transportes colectivos: autobuses, trens, metros, tranvías...

Fotografía do metro de Londres — **O metro é un sistema de transporte fundamental nas grandes cidades**

Servizos: nas cidades pódense atopar moitos e variados servizos: tendas, hospitais, escolas, ocio...

Fotografía dun cartel de Hospital — **Os servizos sanitarios máis especializados sitúanse nas cidades**

Actividades económicas: nas cidades hai moitos e variados traballos, fundamentalmente do sector industrial e do sector servizos.

Fotografía dunha oficina — **As profesións vinculadas ao sector terciario son predominantes nas cidades**

Crecemento das cidades:

O proceso de crecemento das cidades denomínase urbanización e débese, principalmente, polos seguintes motivos:

´Migracións (éxodo rural): un considerable número de homes e mulleres trasládanse do campo á cidade para procurar unhas mellores condicións de vida.
Industrialización: o desenvolvemento das fábricas nas cidades atraen a moita xente para traballar nelas.
Servizos: as cidades ofrecen máis oportunidades de educación, saúde, lecer... ás persoas.

Preme enriba da imaxe para ampliala.

Problemas das cidades:

Loxicamente, non todo vai ser positivo no mundo urbano e, polo tanto, as cidades tamén van ter problemas. Os principais son os seguintes:

Contaminación: tráfico, calefaccións e actividade industrial van contaminar a auga e o aire.
Tráfico: os atascos son un mal moi frecuente nas cidades, sobre todo nas de maior tamaño.

Fotografía dun atasco de coches nunha autopista — **Os problemas que nas cidades xera o tráfico son notables e moi graves.**

Vivenda: os prezos das vivendas son moi elevados e polo tanto difíciles de adquirir para unha boa parte da poboación.

Gráfico da suba dos prezos das vivendas — **Os altos prezos da vivenda provocan que moitas persoas non podan acceder a ela**

Residuos: a gran cantidade de persoas que viven nas cidades e as variadas actividades económicas que se desenvolven nas cidades xeran gran cantidade de residuos que deben ser tratados para que non prexudiquen o medio natural.

Fotografía de lixo urbano acumulado — **A acumulación de persoas e de actividades económicas xeran unha gran cantidade de lixo**

Desigualdade: nas cidades é frecuente a existencia de barrios ricos separados de barrios pobres que normalmente están moito peor dotados de servizos e isto provoca diferenzas sociais.

Fotografía dun barrio rico — **Os barrios ricos teñen mellores infraestruturas e máis servizos que os barrios pobres**

Fotografía dun barrio pobre — **Os barrios de casoupas teñen vivendas de moi baixa calidade**

Estrutura das cidades:

Nas urbes distínguense distintas partes:

Centro urbano: parte máis antiga e onde se sitúan os edificios históricos.
Ensanche: é un espazo que se constrúe unha vez que o centro histórico está cheo de xente e a cidade necesita medrar.
Periferia: é a área máis afastada do centro histórico.

**Fotografía do centro histórico de Santiago. Porta Faxeira**

Fotografía dunha periferia urbana — **Fotografía de vivendas nunha periferia urbana**

O caso de España e Galicia:

En España o crecemento urbano foi relativamente lento ata os anos 50 do século pasado, a partir desas datas a expansión urbana acelerouse moi considerablemente. Na actualidade reside en concellos considerados urbanos un 80% da poboación. As cidades máis importantes son Madrid, que é a capital e que suma case tres millóns e medio de habitantes, Barcelona, Valencia, Sevilla e Zaragoza.

Fotografía da Gran Vía de Madrid. — **Fotografía da Gran Vía de Madrid**

En Galicia, as cidades son máis pequenas en comparación cas grandes cidades de España. As catro principais cidades galegas son Vigo, A Coruña, Santiago de Compostela (a capital da comunidade autónoma) e Ourense.

Fotografía da Catedral e da Praza do Obradoiro en Santiago. — **Fotografía da Catedral e da Praza do Obradoiro de Santiago**

Lectura facilitada

A xeografía urbana é unha parte da xeografía.

A xeografía urbana estuda as cidades, a súa formación e a transformación.

Tamén estuda as características das mesmas.

Ademais, a Xeografía Urbana axúdanos a coñecer as cidades,

a saber como funcionan e como inflúen na vida das persoas.

Que é unha cidade?

Unha cidade é un lugar onde viven moitas persoas.

Conta con rúas, edificios, servizos, medios de transporte,

lugares para traballar e tamén lugares de descanso e lecer.

As cidades son diferentes ás aldeas.

As aldeas son máis pequenas e contan con menos servizos.

Hoxe en día, máis da metade da poboación do mundo vive en cidades.

Características das cidades:

As cidades son diferentes unhas das outras,

máis todas teñen unhas características comúns:

Teñen construcións en altura ou edificios máis ou menos altos,

para aforrar espazo, que é escaso e caro.

Os residentes das cidades

desprázanse moitas veces en transporte colectivo,

como autobús, tren, metro, tranvía...

Nas cidades hai variados servizos

como tendas, hospitais, escolas, lugares de lecer...
Nas cidades existen moitos e diferentes traballos,

sobre todo do sector industrial e do sector de servizos.
Crecemento das cidades:

O crecemento das cidades chámase urbanización.

As cidades medran por varios motivos:

As migracións: moitos homes e mulleres

trasládanse do campo ás cidades

en busca de mellores condicións de vida.

A industrialización: as fábricas das cidades atraen á xente para traballar.
Os servizos: as cidades ofrecen máis servizos

como educación, saúde ou lecer para as persoas.

Problemas das cidades:

Nas cidades tamén hai problemas. Os máis importantes son:

Contaminación: polo tráfico, as calefaccións ou a industria.
Tráfico: os atascos son frecuentes nas cidades.

O tráfico contamina o aire. Tamén hai contaminación acústica (ruídos).

Vivenda: os prezos das vivendas son altos

para unha boa parte da poboación.
Desigualdade: nas cidades hai barrios de ricos

separados dos barrios de pobres, que teñen menos servizos.
Residuos: as cidades xeran moitos residuos

que deben ser tratados para non prexudicar o medio natural.

Estrutura das cidades:

Nas cidades distínguense diversas partes:

1. Centro urbano: é a parte máis antiga.

2. Ensanche: é un espazo que se constrúe cando o centro está cheo

e precisa medrar.

3. Periferia: é a área máis afastada do centro.

O caso de España e Galicia:

En España, o crecemento urbano foi lento ate os anos 50 do século XX.

A partir deses anos a expansión das cidades acelerouse.

Hoxe, un 80% das persoas vive nas cidades.

As cidades máis importantes son Madrid (que é a capital),

Barcelona, Valencia, Sevilla e Zaragoza.

En Galicia, as cidades son máis pequenas.

As cidades máis importantes de Galiza son Santiago de Compostela (capital),

Vigo, A Coruña e Ourense.

En Galicia, un 66% da poboación vive nas cidades,

bastante menos que no resto de España.

Audio

Relaciona

Amplia a pantalla e logo relaciona cada tarxeta coa súa parella.

{"typeGame":"Relaciona","author":"","randomCards":true,"instructions":"

Amplia a pantalla e logo relaciona cada tarxeta coa súa parella.

","showMinimize":false,"itinerary":{"showClue":false,"clueGame":"","percentageClue":40,"showCodeAccess":false,"codeAccess":"","messageCodeAccess":""},"cardsGame":[{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Cidade","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"N%C3%BAcleo%20de%20poboaci%C3%B3n%20caracterizado%20pola%20prestaci%C3%B3n%20de%20servizos."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Urbanizaci%C3%B3n","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Proceso%20de%20crecemento%20das%20cidades%20motivado%20por%20migraci%C3%B3ns%2C%20industrializaci%C3%B3n%20e%20servizos."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Centro%20urbano","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Parte%20m%C3%A1is%20antiga%20da%20cidade%2C%20con%20r%C3%BAas%20estreitas%20e%20edificios%20hist%C3%B3ricos."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Ensanche","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"%C3%81rea%20constru%C3%ADda%20cando%20a%20cidade%20necesita%20medrar%2C%20con%20r%C3%BAas%20rectas%20e%20edificios%20altos."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Periferia","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Zona%20m%C3%A1is%20afastada%20do%20centro%2C%20con%20urbanizaci%C3%B3ns%20de%20luxo%2C%20residencias%20baratas%20e%20zonas%20verdes."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Contaminaci%C3%B3n","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Problema%20causado%20polo%20tr%C3%A1fico%2C%20calefacci%C3%B3ns%20e%20actividade%20industrial."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Tr%C3%A1fico","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Atascos%20frecuentes%20que%20xeran%20contaminaci%C3%B3n%20e%20perda%20de%20tempo."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Desigualdade","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Existencia%20de%20barrios%20ricos%20e%20pobres%20con%20diferenzas%20sociais."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Residuos","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Gran%20cantidade%20de%20refugallos%20xerados%20polas%20actividades%20econ%C3%B3micas%20e%20a%20poboaci%C3%B3n."},{"url":"","x":0,"y":0,"author":"","alt":"","audio":"","color":"#000000","backcolor":"#ffffff","eText":"Servizos","urlBk":"","xBk":0,"yBk":0,"authorBk":"","altBk":"","audioBk":"","colorBk":"#000000","backcolorBk":"#ffffff","eTextBk":"Elementos%20como%20tendas%2C%20hospitais%2C%20escolas%20e%20comisar%C3%ADas%20que%20se%20atopan%20nas%20cidades."}],"isScorm":1,"textButtonScorm":"Gardar a puntuación","repeatActivity":true,"textAfter":"","version":1.3,"percentajeCards":100,"type":0,"showSolution":true,"timeShowSolution":3,"time":3,"evaluation":false,"evaluationID":"","id":"2025212182436-60","msgs":{"msgSubmit":"Enviar","msgClue":"Xenial! A pista é:","msgCodeAccess":"Código de acceso","msgPlayStart":"Prema aquí para xogar","msgScore":"Puntuación","msgErrors":"Erros","msgHits":"Acertos","msgMinimize":"Minimizar","msgMaximize":"Maximizar","msgFullScreen":"Pantalla Completa","msgExitFullScreen":"Saír de pantalla completa","msgNoImage":"Pregunta sen imaxes","msgEndGameScore":"Antes de gardar a puntuación comece a partida.","msgScoreScorm":"A puntuación non se pode gardar porque esta páxina non forma parte dun paquete SCORM.","msgOnlySaveScore":"Só se pode gardar a puntuación unha vez!","msgOnlySave":"Só se pode gardar unha vez","msgInformation":"Información","msgYouScore":"A puntuación","msgAuthor":"Autoría","msgOnlySaveAuto":"A puntuación gardarase despois de cada pregunta. Só se pode xogar unha vez.","msgSaveAuto":"A puntuación gardarase automaticamente despois de cada pregunta.","msgSeveralScore":"Pódese gardar a puntuación tantas veces como se queira","msgYouLastScore":"A última puntuación gardada é","msgActityComply":"Xa realizaches esta actividade.","msgPlaySeveralTimes":"Pódese realizar esta actividade tantas veces como se queira","msgClose":"Pechar","msgAudio":"Audio","msgNumQuestions":"Número de cartas","msgTryAgain":"Necesitas polo menos un %s% de respostas correctas para conseguir a información. Volve tentalo.","msgEndGameM":"Remataches o xogo. A túa puntuación é %s.","msgUncompletedActivity":"Actividade non completada","msgSuccessfulActivity":"Actividade superada. Puntuación: %s","msgUnsuccessfulActivity":"Actividade non superada. Puntuación: %s","msgTypeGame":"Relaciona","msgCheck":"Comprobar","msgRestart":"Reiniciar"}}

O navegador non é compatible con esta ferramenta.

Licenciado baixo a Licenza Creative Commons Atribución Non-comercial Compartir igual 4.0