Todos sabemos que vivimos nun mundo cada vez máis globalizado, no que as persoas estamos conectadas e integradas en procesos semellantes, pero, da mesma maneira, en vez de diluírse as desigualdades entre uns países e outros e dentro da poboación dos propios países, aumentan.

A desigualdade baséase na diferenza entre as persoas que teñen e as que non, e non só no referido á riqueza económica, senón tamén a outros aspectos como a esperanza de vida ou a facilidade para acceder a servizos de saúde, educación, ou servizos públicos. Existen desigualdades entre os distintos grupos sociais  e  grupos de idade dunha poboación, pero tamén entre homes e mulleres.