Saltar navegación

4. Reto final. Que importante é a orde!

Adiante co reto

O conferenciante que chega ao voso instituto para falar de desigualdades no mundo actual tiña planificado facelo ofrecendo exemplos de tres países: un desenvolvido (Noruega), outro en vías de desenvolvemento (India) e outro non desenvolvido (Níxer). Para cada un tiña unha carpeta cos seus datos, relativos á poboación, mundo urbano e laboral e indicadores de desenvolvemento. 

Pero un tropezo.... e toda a información das carpetas cae ao chan e queda desordenada espallada polo corredor. Como vós acabades de ver xustamente estes aspectos, corredes a axudarlle a recoller as follas e colocar cada ficha na carpeta correcta. O problema é que as fichas non teñen o nome do país. Seredes quen de colocalas axeitadamente? A conferencia empeza en media hora!

Faino con xeito, porque unha vez rematada a tarefa deberedes explicar ao resto da clase os criterios empregados para clasificar as fichas por países.

Como nos organizamos?

Como non sobra o tempo e hai tres países, organizádevos en tres grupos. Cada grupo debe reunir todas as fichas dunha mesma carpeta:

-Carpeta A: datos de Noruega (exemplo de país desenvolvido)

-Carpeta B: datos de India (exemplo de país en vías de desenvolvmento)

-Carpeta C: datos de Níxer (exemplo de país non desenvolvido)

Como se avalía o noso reto?

Rúbrica do Reto: Que importante é a orde
 Excelente BoaCorrectaNegativaIncorrectaNula
1. Análise e interpretación dos datosInterpreta todos os datos con precisión, establecendo relacións complexas e relevantes. (2.5)Interpreta case todos os datos con precisión e relacións claras. (2)Interpreta a maioría dos datos correctamente, aínda que con algunhas limitacións. (1.50)Interpreta só algúns datos de forma parcial ou superficial. (1)Comete erros importantes na interpretación dos datos. (0,5)Non interpreta os datos ou faino incorrectamente. (0)
2. Clasificación e uso dos indicadoresA clasificación é totalmente coherente cos datos e os indicadores son empregados correctamente, con total comprensión do seu significado. (2.5)Clasificación coherente, con pequenas inexactitudes. Emprega ben os indicadores, con boa comprensión. (2)Clasificación maiormente axustada, con algúns erros. Usa a maioría dos indicadores con pequenos fallos. (1.50)Clasificación con varios erros. Uso dos indicadores confuso ou incompleto. (1)Clasificación pouco axustada ou confusa. Indicadores usados de forma limitada ou incorrecta. (0,5)Non se realiza clasificación ou é incorrecta. Non emprega os indicadores ou faino de xeito erróneo. (0)
3. Xustificación e argumentaciónArgumentación clara, sólida e ben fundamentada nos datos e indicadores. (2.5)Argumentación clara e razoablemente fundamentada, aínda que mellorable en profundidade. (2)Argumentación suficiente, con ideas relevantes pero algo limitadas. (1.50)Argumentación pouco clara ou incompleta. (1)Xustificación débil, sen base sólida nos datos. (0,5)Sen xustificación ou moi deficiente. (0)
4. Presentación e traballo en grupoPresentación moi clara, ben estruturada, sen erros e visualmente atractiva. Participación activa e equitativa de todo o grupo, con excelente organización. (2.5)Presentación clara e organizada, con poucos erros. Boa colaboración e reparto xusto das tarefas. (2)Presentación comprensible, aínda que con estrutura mellorable. Participación equilibrada, pero con pequenas dificultades. (1.50)Presentación algo desorganizada ou con erros notables. Participación desigual e pouca coordinación. (1)Presentación desorganizada e con erros frecuentes. Escasa colaboración e reparto deficiente das tarefas. (0,5)Presentación moi desorganizada ou sen sentido. Non hai colaboración ou existen conflitos graves no grupo. (0)

Elaboración propia (proxecto cREAgal). Rúbrica do Reto: Que importante é a orde (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Valoración do traballo feito

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Unha vez alcanzado o reto final, toca valorar o traballo realizado para conseguilo.

Cubrindo a fase 4 do teu diario de aprendizaxe serás consciente de todo o que conseguiches ata o de agora.

Feito con eXeLearning (Nova xanela)