Ides comezar un tema que, aínda que volo custe crer, está moi, moi cerca de vós: a xeografía da poboación. Detédevos un pouco e pensade: cantos fomos? cantos somos? como somos? onde estamos? como nos movemos polo mundo?... estes interrogantes e outros moitos máis pódense responder aplicando os coñecementos que ao longo deste tema, de bo seguro, adquiriredes.

Achegarse á xeografía da poboación permitiravos comprender como a humanidade se relaciona co espazo e como evoluciona anos tras ano, século tras século. Mediante os textos, as imaxes e as diferentes actividades que aparecen no REA iredes descubrindo cousas que de seguro vos sorprenderán. E mira, se vos gusta, e estudando uns poucos libros máis, igual podedes acabar sendo expertos xeógrafos da poboación.

 Listos para arrancar?

Veña, imos aló.