Saltar navegación

1.1. A polo reto

A polo reto

Escorres e... desorganízase a información!
Imaxe dunha persoa a punto de caer

Un conferenciante chega ao instituto para falar sobre a xeografía da poboación, a xeografía urbana e das desigualdades e a cooperación.

Porén, oh má sorte!!!!, ao chegar á sala tropeza e cae con todas as fichas nas que trae a información para a conferencia.

Lectura facilitada

Un conferenciante chega ao instituto para falar

sobre a xeografía da poboación,

sobre a xeografía urbana

e sobre desigualdades e a cooperación.

Ao chegar á sala, tropeza e cae con todas as fichas.

Desordéaselle a información.

O voso reto

Para evitar que a charla se atrase, deberedes axudar ao conferenciante a recoller as fichas do chan e, sobre todo, a ordenalas correctamente no menor tempo posible.

As fichas están descolocadas e conteñen datos de diferentes países sobre cada un dos temas que se van tratar na charla. 

Nunha táboa como a que segue, colocade cada un dos datos que aparecen nas fichas na cela correspondente.

PAÍS DESENVOLVIDO PAÍS EN DESENVOLVEMENTO PAÍS NON DESENVOLVIDO
Pirámide de poboación:
Taxa de natalidade:
Taxa de mortalidade infantil:
Porcentaxe de poboación maior de 65 anos:
Texto de poboación:
Imaxe:
Texto cidade:
Datos urbanos:
IDH:
Esperanza de vida:
Porcentaxe de mulleres con emprego vulnerable:
Porcentaxe de traballo infantil (7-14 anos):
Médicos por cada mil habitantes:

Lectura facilitada

Para evitar que a charla se atrase,

os estudantes deben axudar ao conferenciante

a recoller as fichas do chan

e axudarlle a ordenalas.

Que ides aprender completando o reto

  • Comprender as causas das vagas migratorias actuais.
  • Distinguir os diferentes modelos demográficos.
  • Coñecer os movementos demográficos.
  • Analizar e interpretar pirámides de poboación.
  • Entender as causas do avellentamento demográfico.
  • Recoñecer o papel da muller nos ciclos demográficos.
  • Achegarse ao impacto das migracións na sociedade actual.
  • Identificar os procesos de urbanización ocorridos ao longo da Historia.
  • Analizar as causas do despoboamento rural.
  • Comprender os principais problemas (ambientais e sociais) propios dos mundos rurais e urbanos.
  • Entender os problemas das cidades como por exemplo a xentrificación ou a planificación urbana.
  •  Analizar os principais problemas do Terceiro Mundo.
  • Identificar medidas que poidan contribuír á mellora da sociedade.
  • Entender o papel da ONU e das ONGs e a importancia da cooperación internacional.
  • Adoptar unha posición crítica fronte a postulados belicistas, xenófobos ou discriminatorios.
  • Usar adecuadamente as ferramentas informáticas para o tratamento da información.
  • Traballar en grupo de xeito organizado e efectivo.
  • Seleccionar e xerarquizar a información.
  • Expoñer o resultado do voso traballo.

Apoio visual

Infografia do que ides aprender co reto

Empeza o teu diario de aprendizaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapaAntes de seguir, respostade as actividades propostas na fase 1 do diario de aprendizaxe.

É moi importante que o cubras porque para aprender... hai que reflexionar!

Accede á plantilla a través do apartado diario de aprendizaxe e descárgao.

Lembra:

Pregunta ao teu profesor ou profesora se a encherás en papel ou no computador.
Se a enches no computador, non te esquezas de gardala no teu equipo cando a termines!
Ánimo, que o farás xenial!

Feito con eXeLearning (Nova xanela)