Definición:
Utilizar diferentes feitos para demostrar algunha cousa.
Exemplo:
Argumentei que eu estaba na biblioteca devolvendo un libro, polo tanto eu non puiden perder o balón no recreo.
Definición:
Dicir aquilo que se considera sobre un tema determinado.
Exemplo:
Todas as persoas demos a nosa opinión sobre a excursión de fin de curso que queriamos facer.
Os textos de opinión son un tipo de texto escrito onde as persoas que o escriben mostran os seus puntos de vista acerca de un tema en concreto. Estes textos, por norma xeral, aparecen en medios de comunicación, como son os xornais ou as revistas. Nestes medios reciben o nome de artigos de opinión.
Todos os textos de opinión empregan a argumentación para construírse. Desta maneira, a persoa autora defenderá as súas ideas acerca dun tema en concreto. Estes temas poden ser moi diversos: deporte, política ou mesmo a economía.
As partes dos textos de opinión teñen algunhas cousas en común cos debates, que xa viches neste mesmo recurso. Contan coas seguintes partes:
Todo texto de opinión precisa ter un título que sexa rechamante para a persoa receptora ou lectora.
Nesta parte vaise presentar o tema do que van opinar. Adoita ser breve e ten que chamar tamén a atención.
Aquí as persoas emisoras mostran a súa postura co tema.
Como nos debates, precísanse argumentos ou razoamentos para demostrar a opinión da persoa autora.
Na última parte do texto de opinión móstrase a opinión persoal de quen escribe. Tamén se pode incluír un breve resumo do exposto.
O seguinte esquema axudarache a entendelo mellor.
Os textos de opinión son escritos. Neles, a persoa que escribe di o que pensa sobre un tema.
Normalmente atópanse en xornais ou revistas. Neles, chámanse artigos de opinión.
Todos os textos de opinión usan argumentos. Así, a persoa autora defende as súas ideas.
Os temas poden ser moi variados: deportes, política ou economía.
As partes dos textos de opinión son parecidas ás dos debates que xa coñeces. Teñen estas partes:
Título
Todo texto de opinión necesita un título. Ten que ser chamativo para quen o le.
Introdución
Aquí preséntase o tema sobre o que se vai opinar. Adóita ser curta e tamén ten que chamar a atención.
Tese
Nesta parte, a persoa que escribe mostra a súa postura sobre o tema.
Argumentos
Como nos debates, fan falta argumentos ou razóns. Serven para demostrar a opinión da persoa autora.
Conclusión
Na última parte móstrase a opinión persoal de quen escribe. Tamén pode levar un resumo do que se explicou.
O seguinte esquema axudarache a entendelo mellor.
Para dar a túa opinión é importante que teñas datos e información. Xa sabes que esa información a podes atopar en libros, enciclopedias, bibliotecas entre outros. Pero é verdade todo o que atopamos? Revisa estes esquemas que che axudarán a atopar sempre as informacións máis fiables que precises.
Repara que se estás na escola ou na túa casa, os lugares onde podes buscar información poden ser diferentes.
Na escola podes buscar tanto na biblioteca de aula, na do centro ou incluso en enciclopedias, dicionarios e moitos máis na Rede. Por suposto podes consultar tamén as túas mestras e mestres.
Se estás na túa casa podes utilizar os documentos ou libros de consulta que teñas. Podes desprazarte á biblioteca pública que teñas máis preto tanto para consultar obras escritas como usar os equipamentos informáticos que alí poderás atopar. Podes acudir a eventos culturais da túa vila ou aldea. Ademais, tamén podes preguntar aos teus familiares polos temas que queiras investigar.
Para dar a túa opinión
é importante que teñas
datos e información.
Podes atopar información en libros,
enciclopedias, bibliotecas entre outros.
Pero é verdade todo o que atopamos?
Revisa estes esquemas.
Axudaranche a atopar sempre
as informacións máis fiables que precises.
Se estás na escola ou na túa casa
os lugares onde podes buscar información
poden ser diferentes.
Na escola podes buscar tanto na biblioteca de aula,
na do centro ou incluso en enciclopedias,
dicionarios e moitos máis na Rede.
Podes consultar tamén as túas mestras e mestres.
Se estás na túa casa podes utilizar os documentos
ou libros de consulta que teñas.
Podes desprazarte á biblioteca pública
que teñas máis preto
para consultar obras escritas
para usar os equipamentos informáticos
e facer consultas.
Podes acudir a eventos culturais da túa vila ou aldea.
Tamén podes preguntar aos teus familiares
polos temas que queiras investigar.
Cantos tipos de textos existen. Xa aprendiches moito sobre eles. A que sería xenial ser a persoa autora dunha obra literaria?
Animámoste a que leas "Douche a miña palabra" de Fran Alonso con ilustracións de Bea Gregores. Nesta obra aprenderás como chegar a ser unha gran escritora ou escritor.
A que esperas!
Existen moitos tipos de textos.
Xa aprendiches moito sobre eles.
A que sería xenial ser a persoa autora
dunha obra literaria?
Animámoste a que leas
"Douche a miña palabra" de Fran Alonso
con ilustracións de Bea Gregores.
Nesta obra aprenderás a ser
unha gran escritora ou escritor.
A que esperas!
Licenciado baixo a Licenza Creative Commons Atribución Non-comercial Compartir igual 4.0