Toca reflexionar
Xa vos dariades conta da importancia de dominar e diferenciar os tipos de textos. Non é o mesmo facer unha descrición, unha narración ou dar a opinión sobre un tema.
Tamén vistes que os textos orais son moi útiles para expoñer as nosas ideas ou dar instrucións.
Nesta actividade dentro de cada grupo ides facer 2 subgrupos.
Cada un deses subgrupos debe escoller un dos tres retos. Non podedes escoller o mesmo, teñen que ser distintos. Lembrade cales eran:
- Reto 1 - Historias da escola. Deberedes elaborar un conto ou historia a partir de acontecementos sucedidos na vosa escola.
- Reto 2 - Opinión sobre as nosas saídas. Tedes que elaborar un artigo de opinión sobre algunha saída que se realizara no voso centro.
- Reto 3 - Describimos a nosa vila. A vosa misión será elaborar a descricións dun monumento da vosa, aldea, vila ou cidade.
Teredes que buscar argumentos ou motivos para o reto que escolledes.
Faredes un debate moi breve de 4 minutos.
A mestra ou mestre será a persoa moderadora que decidirá quen gana o debate.
Teredes que facer o reto do subgrupo que gane ese debate.
Lectura facilitada
Xa sabedes que é importante coñecer os diferentes tipos de textos. Non é igual describir algo que contar unha historia ou dar unha opinión.
Tamén vistes que falar (textos orais) axuda moito a explicar as nosas ideas ou a dar instrucións.
Nesta actividade, cada grupo fará dous equipos pequenos.
Cada equipo debe escoller un dos tres retos.
Non podedes escoller o mesmo reto.
Lembrade os retos:
Reto 1 - Historias da escola. Facede un conto ou unha historia. Debe ser sobre algo que pasou na vosa escola.
Reto 2 - Opinión sobre as nosas saídas. Escribide un artigo de opinión. Falade dalgunha saída que fixerades co colexio.
Reto 3 - Describimos a nosa vila. Tedes que describir un monumento. Pode ser da vosa aldea, vila ou cidade.
Teredes que buscar razóns ou argumentos para defender o reto que escollades.
Despois faremos un debate moi curto, de 4 minutos. A mestra ou mestre será quen guíe o debate. Tamén decidirá quen gaña.
Finalmente, teredes que facer o reto do equipo que gañe o debate.
