Conexión
As persoas temos unha das habilidades que nos diferencian dos animais, a comunicación. Na unidade pasada xa viches moitos xeitos de comunicarse. Nesta fase vas aprender a maxia que pode chegar a ter a túa voz e as túas letras.
Comprobarás que a túa voz se pode utilizar para dar mensaxes de formas moi distintas. Daraste conta de que, a pesar de usar a voz, ten que haber unha preparación previa con textos escritos.
Aprenderás que a maneira na que escribes tamén fai chegar as túas ideas e opinións de maneiras moi diversas.
Imos aló!
Lectura facilitada
As persoas podemos comunicarnos.
É algo que nos fai diferentes dos animais.
Xa sabes moitas formas de facelo.
Agora vas descubrir o poder da túa voz.
Tamén o poder das túas palabras escritas.
A túa voz pode enviar mensaxes de moitos xeitos.
Para usar a voz, ás veces hai que escribir antes.
Verás que a forma de escribir tamén cambia a túa mensaxe.
As túas ideas chegan de xeitos diferentes.
Comezamos!
