Tira do fío...
Hixiene do sono! Mellora a túa saúde coidando o sono e o descanso.
Un plan perfecto
Fío azul
Hixiene do sono
A hixiene do sono ten que ver co que facemos para durmir ben pero, sobre todo, para descansar ben. Se non hai un bo descanso, vainos afectar tanto a nivel físico como mental. Estaremos cansos, con falta de enerxía, máis tensos e irascibles... Pero tamén vai afectar a nosa memoria, a nosa atención e a nosa aprendizaxe.
Hai unha serie de rutinas e hábitos que axudan a descansar máis e mellor:
As horas
Tentar manter as mesmas horas para deitarse e levantarse, incluso as fins de semana e nas vacacións.
Ambiente axeitado
Manter unha temperatura adecuada, evitar os ruídos, ter unha cama cómoda e unha boa almofada...
As comidas
Facer unha cea lixeira e, como mínimo, dúas horas antes de ir durmir.
Uso de dispositivos
Non utilizar o móbil, a tablet ou o ordenador como mínimo dúas horas antes de deitarse.
Actividades relaxantes
Ducharse, escoitar música tranquila ou ler, axudan a relaxarse para conciliar o sono.
Actividade física
Axuda ao descanso, pero mellor non facela intensamente a última hora do día, senón pola mañá ou pola tarde.
Lectura facilitada
A hixiene do sono é todo o que facemos para durmir mellor e para descansar ben.
Se non descansamos ben, o corpo e a mente nótano.
Podemos sentirnos:
cansos,
con pouca enerxía,
nerviosos ou enfadados.
Tamén nos custa máis:
aprender,
lembrar cousas,
prestar atención.
Aquí tes algúns hábitos que nos axudan a durmir mellor:
Ir para a cama e levantarse sempre á mesma hora.
Durmir nun lugar tranquilo e cómodo.
Con boa temperatura, sen ruído, boa cama e boa almofada.
Cear algo lixeiro, e facelo polo menos 2 horas antes de durmir.
Non usar o móbil, a tablet ou o ordenador nas 2 horas antes de deitarse.
Facer cousas que axudan a relaxarse antes de durmir, como:
ducharse,
escoitar música tranquila,
ler un libro.
Audio
Licenciado baixo a Licenza Creative Commons Atribución Non-comercial Compartir igual 4.0