Saltar navegación

4.1. Replaneamos

 

Glosario

Medios dixitais

Unha pantalla de ordenador coas palabras bla bla bla

Definición:

Son aqueles que precisan dun ordenador, tablet, móbil, cámara de vídeo...

Exemplo:

Fixemos un programa de TV ca cámara de vídeo do cole.

Medios manuais

libreta, lapis, bolígrafo, goma, regra

Definición:

Son aqueles que precisan dos materiais escolares tradicionais: folios, cartolinas, cores, tesoiras, pegamento...

Exemplo:

En plástica fixemos un collage co noso material escolar.

Formato

Unha radio, un xornal e unha televisión

Definición:

É o estilo ou forma de presentación dun traballo.

Exemplo:

Fixen un traballo en formato dixital porque me gusta moito a informática.

Fiando fino

BenStar rodeado de formas de expresión

Con todos os fíos de cores que tes, imos a polo último reto cooperativo: "Elaborar o Plan perfecto". Vas ter que fiar fino porque van ter que aparecer nel, as recomendacións básicas cos hábitos saudables que aprendiches.

Poderedes utilizar os medios dixitais e manuais que hai no cole: ordenadores, radio, cámaras de vídeo/foto, cartolinas, rotuladores, revistas, libros, contos... para que poidades facelo ao voso gusto.

Compartirédelo co resto da comunidade educativa para que todas as familias poidan gozar dunha vida máis activa e saudable.

Lectura facilitada

Tes que fiar fino todo o que aprendiches porque estás no reto final.

Co teu equipo cooperativo vas ter que: "Elaborar o plan perfecto".

Nel teñen que aparecer todas as recomendacións e hábitos saudables que aprendiches.

Este plan compartirase con todas as persoas da comunidade educativa.

Para facelo podedes utilizar medios dixitais e manuais cos que contamos no cole.

Dixitais como cámaras de vídeo ou foto, ordenadores, radio...

Manuais como cartolinas, rotuladores, goma eva, revistas, libros, contos.....

Cada grupo poderá elixir como facelo.

Formatos a elixir

De seguro que tendes un montón de ideas na vosa cabeza, pero ides ter que elixir entre estes 6 formatos:

Infografía

É un conxunto de imaxes acompañando pequenos textos informativos. Tamaño máximo A3.

Cartel publicitario

É un documento no que predomina a imaxe e ten pequenos títulos dando información relacionada coa imaxe. Tamaño máximo cartolina.

Folleto explicativo

Tamaño A4, dividido en dúas ou tres partes. En cada columna aparecen textos e/ou imaxes coa información de interese.

Álbum fotográfico

Conxunto de fotografías que dan a información necesaria, só acompañadas dun pe de foto. Pode presentarse de forma dixital ou en papel. Máximo 10 imaxes.

Vídeo didáctico

Pode ser dende un pequeno anuncio, unha entrevista, unha curtametraxe, unha serie de situacións/fotografías animadas....Duración máxima 2 minutos.

Podcast informativo

Se tedes radio no cole, podedes preparar unha pequena entrevista ou anuncio. Teredes que presentar os textos, en dixital ou por escrito, coas preguntas ou coas cuñas publicitarias que vaiades utilizar. Duración máxima 5 minutos.

modelo de infografía
INFOGRAFÍA

cartel publicitario cun vaso de cacao solubleCARTEL
PUBLICITARIO

Fotos de animais con pequenos textos explicativosFOLLETO
EXPLICATIVO

proxección de fotografíasÁLBUM
FOTOGRÁFICO

persoa gravando cunha videocámaraVÍDEO
DIDÁCTICO

Dúas persoas falando nun podcast PODCAST
INFORMATIVO

Información de interese

Para elaborar o voso plan, ides ter que elixir cal vai ser a información básica que debe aparecer. Ás veces, non é doado decidir cal porque temos moita. Por iso, tedes aquí unha pequena guía para seleccionar os apartados máis importantes:

Creado con eXeLearning (Ventana nueva)