Nesta fase aprendiches a distinguir entre os hábitos saudables e non saudables e a relación que teñen os estados de benestar físico, mental e social coa saúde así como a importancia de ter unha preparación axeitada para poder aplicar os primeiros auxilios cando se presente unha urxencia.

Os beneficios dunha alimentación saudable e equilibrada, a importancia de durmir o tempo necesario xunto cos hábitos de hixiene persoais e posturais foron outros coñecementos que adquiriches realizando os distintos retos cooperativos. Todo isto será de grande axuda para elaboración do plan de vida activa e saudable.

Sobre estes aspectos deberás recoller as túas impresións no teu diario de aprendizaxe. Recorda! cubrir este diario axudarache a saber como estás a aprender!!