O obxectivo neste reto é que identifiquedes o que debe conter un botiquín de primeiros auxilios tendo en conta o alumnado e a actividade deportiva ao aire libre que ides realizar.

Neste reto deberedes:

- Investigar que materiais son esenciais.

- Reflexionar sobre que materiais poderían necesitarse se se coñecen alerxias ou condicións específicas do alumnado.

- Propoñer a persoa ou equipo encargado de levar o botiquín, e se é necesario contar con varias.

Produto final deste reto:

Checklist con todos os materiais que serán necesarios.

Esta checklist empregarase antes de saír, evitando esquecer algún material.

Neste reto deberedes identificar zonas seguras e deseñar puntos de encontro para facilitar evacuacións ordenadas se é necesario.

Que ides facer? Usar un mapa real do lugar onde se desenvolverá a xornada. O mapa ou plano pode ser físico ou dixital.

Que tedes que facer?

- Indicar nun plano do lugar no que se vai desenvolver a xornada deportiva o punto no que estará a persoa ou equipo encargado do botiquín. Recordade que o plano pode ser físico ou dixital.

- Localizar zonas seguras afastadas de riscos (auga, tráfico, desniveis…).

- Establecer un punto de encontro principal e secundarios.

- Marcar rutas seguras desde as diferentes zonas de actividades cara os puntos de encontro.

- Propoñer sinais visibles para indicar a localización destes puntos (pancartas, bandeiras, cores etc).

Produto final deste reto:

Plano co punto no que estará o botiquín, as zonas seguras, punto de encontro principal e os secundarios e rutas marcadas coas súas sinais.

O obxectivo neste reto é crear unha ficha ou cartel cos números e persoas clave en caso de emerxencia.

Que tedes que facer?

- Buscar e apuntar os teléfonos oficiais: emerxencias (112), centro de saúde máis próximo, Policía Local, Protección Civil etc.

- Designar unha persoa adulta como “Coordinadora de Emerxencias”.

- Propoñer como comunicar incidencias leves ou necesidades inmediatas entre responsables (chifre, walkie-talkies, sinais visuais, carteis...).

Produto final deste reto:

- Crear unha ficha cos contactos de emerxencia locais.

- Propoñer un sistema de comunicación rápida co profesorado responsable (chifre, walkie-talkies, sinais visuais, carteis...).

O obxectivo neste reto é asegurar que cada centro participante proporcione a información básica sobre as necesidades sanitarias e alimentarias do alumnado.

Que tedes que facer?

Nomear unha persoa ou grupo para comunicarse cos centros participantes a través dun mestre ou mestra para que as familias (a través do profesorado de cada centro) completen datos esenciais dos participantes.

Que información hai que recompilar?

- Alerxias alimentarias ou médicas.

- Necesidades especiais (medicación, mobilidade, comunicación…).

- Persoa de contacto en caso de emerxencia.

- Crear un sinal ou sistema para que quen teña algunha condición específica estea identificado/a, sen vulnerar a súa intimidade (pulseiras de cores, por exemplo).

Produto final deste reto:

Crear un cuestionario (físico ou dixital) para recompilar a información dos participantes.

Reflexionade en grupo sobre como gardar e consultar esta información de forma segura e confidencial.

O obxectivo deste reto é asegurar a supervisión de cada zona e fomentar o protagonismo activo do alumnado como axudantes responsables.

Que tedes que facer?

- Dividir as zonas de actividade e asignar a cada unha persoa adulta responsable.

- Crear quendas ou grupos de alumnado axudante con funcións como:

• Guías do grupo.
• Apoio a compañeiros ou compañeiras con dificultades.
• Control de materiais.
• Comunicación entre zonas.
• Deseñar unha forma de identificar o alumnado axudante (chalecos, brazaletes, tarxetas…).

Produto final deste reto:

Lista de responsabilidades.

Identificación de axudantes.