Definición:
O deporte escolar é unha actividade física, deportiva e educativa que se realiza dentro do contexto escolar, xa sexa durante as clases de Educación Física ou como parte de actividades extracurriculares organizadas polo centro educativo. Caracterízase por modificar as normas do deporte orixinal para facilitar a súa practica.
Exemplo:
Este curso, o alumnado de 1º de ESO está a practicar o colpbol escolar, que ten normas diferentes ao colpbol oficial.
Nos deportes hai dúas compoñentes moi importantes que habitualmente se confunden: a técnica e a táctica.
Queres saber máis sobre estes conceptos? Fai clic en cada un deles e aprende o seu significado para levalos á práctica nas sesións de Educación Física.
Nos deportes confúndese a técnica e a táctica.
Fai clic no botón de técnica e táctica.
Aprende sobre estes conceptos.
A técnica pódese definir como a execución motriz dun xesto deportivo. Que quere dicir isto?
Son aqueles movementos ou partes de movemento que permiten realizar accións de ataque e defensa en base a unha determinada intención de xogo, e cunha calidade de execución máis ou menos boa.
No colpbol hai un xesto técnico que é o golpeo, que é o que maior impacto ten no xogo. A través dos golpeos, o xogador ou xogadora vai poder realizar pases e tiros a portería. A continuación preséntanse os diferentes tipos de golpeos:
A técnica pódese definir como a execución motriz dun xesto deportivo.
Que quere dicir isto?
Son aqueles movementos ou partes de movemento que permiten realizar accións de ataque e defensa
en base a unha determinada intención de xogo, e cunha calidade de execución máis ou menos boa.
No colpbol hai un xesto técnico que é o golpeo que é o que maior impacto ten no xogo.
A través dos golpeos o xogador ou xogadora vai poder realizar pases e tiros a portería.
A continuación preséntanse os diferentes tipos de golpeos:
Golpéase o balón cunha man aberta ou cos dous antebrazos xuntos (como en voleibol).
Uso: pase ou lanzamento controlado.
Vantaxes: precisión e control.
Golpéase o balón cunha man aberta ou cos dous antebrazos xuntos (como en voleibol).
Uso: pase ou lanzamento controlado.
Vantaxes: precisión e control.
Utilízase a perna para dar dirección ou controlar o balón.
Importante: só o porteiro pode golpear co pé. Ademais, só o pode facer en situación defensiva. O saque debe ser sempre coa man.
Uso: control ou despexe.
Vantaxes: útil en situacións defensivas ou de rebote.
Cabecéase o balón, parecido ao fútbol.
Uso: cambiar dirección ou pasar por sorpresa.
Vantaxes: ideal cando o balón vén alto.
Úsase o peito ou abdome para empuxar o balón suavemente.
Uso: controlar un balón alto ou cambiar a súa dirección.
Vantaxes: seguro e fácil para principiantes.
O feito de empregar golpeos vai permitir que o xogador ou xogadora realice diferentes tipos de pases e lanzamentos.
Os pases teñen por obxectivo que o balón chegue a outro membro do equipo para seguir avanzando ou para conservar a posesión da pelota.
Os lanzamentos teñen por obxectivo anotar un gol na portería do equipo contrario.
Como poden ser os pases e os lanzamentos?
Aquel no que o xogador ou xogadora golpea o balón e este se dirixe directamente cara ao seu destino (outro xogador/a ou a portería), sen tocar o chan antes.
Características:
En colpbol escolar pódese realizar un lanzamento raso, é dicir, un golpeo do balón que o manteña preto do chan e non elevado.
Acción na que o balón é golpeado por un xogador ou xogadora, rebota no chan (é dicir, bota) e continúa a súa traxectoria cara a outro xogador/a ou cara á portería.
Recordade que por táctica referímonos a todas aquelas estratexias
e xogadas que os equipos desenvolven para gañar ao outro equipo.
No colpbol escolar, os xogadores e xogadoras deben traballar en equipo para pasar o balón de xeito eficaz,
tanto para marcar gol como para evitar que o equipo contrario poda atrapalo ou marcar goles.
A táctica, ao igual que noutros deportes, inclúe tomar decisións.
Que tipo de decisións?
As decisións poden ser de ataque (táctica ofensiva) ou de defensa (táctica defensiva).
Facer moitos pases curtos e rápidos entre xogadores/as para avanzar de forma segura.
Evita a perda do balón e descoloca a defensa rival.
Os xogadores e xogadoras deben moverse constantemente para desmarcarse e estar dispoñibles para recibir o balón.
Cambiar de lado o xogo (de esquerda a dereita, ou viceversa) para sorprender e abrir ocos.
Sempre debe haber un compañeiro ou compañeira preto de quen porta o balón para recibir un pase, se é necesario.
Os defensores e defensoras deben situarse entre o balón e a súa portería para bloquear posibles lanzamentos, axudando así o porteiro ou porteira a defender a súa portería.
Un xogador ou xogadora pode encargarse de seguir quen porta o balón sen contacto, dificultándolle o golpeo ou o pase.
Anticiparse aos pases do rival para interceptar o balón e cambiar de rol a ataque.
Avisar de movementos do equipo contrario, pedir axuda ou cambiar de marca. O traballo en equipo é clave!
Poñede en práctica todos os coñecementos vistos sobre o colpbol nas sesións motrices de Educación Física.
Realizaredes diferentes xogos e tarefas co voso profesor ou profesora.
Pensade que para crear a vosa xornada intercentros na natureza debedes ter un certo dominio práctico dos xestos técnicos e tácticos deste deporte alternativo.
A xogar!
Obxectivos:
Quecemento:
Explicación breve das regras básicas e movilidade articular máis desprazamentos con pelota (unha por parellas para ir practicando pases, golpeos e recepcións).
Parte principal:
Circuíto por estacións (4/6 alumnos por estación).
Golpeo coa palma contra a parede: golpear con ambas mans contra a parede.
Progresión:
- Individual: golpear contra a parede, deixar un bote, coller a pelota. Depois o mesmo coa outra man.
- O mesmo, pero sen deixala botar.
- Individual: golpear contra a parede, deixar un bote e volver golpear. Depois o mesmo coa outra man.
Reto por parellas: cantos toques contra a parede sodes capaces de dar? Só pode haber un máximo dun bote despois de cada golpeo. É necesario golpear unha vez cada persoa.
Reto cooperativo os/as 4 ou 6 compoñentes do grupo: o mesmo que acabades de facer por parellas, pero todos os do grupo.
Golpeo co antebrazo por parellas: os membros da parella deben pasarse o balón usando os dous antebrazos xuntos (como en voleibol).
Progresión:
- Unha persoa da parella pasa a pelota e a outra trata de devolverlla de antebrazos. Facelo 5 veces cada persoa.
Reto cooperativo parellas: cantos toques de antebrazos sodes capaces de dar? A pelota só pode dar un bote como máximo entre golpeos.
Reto cooperativo por parellas: mesma tarefa que a anterior, pero sen bote.
Reto cooperativo grupal: cantos toques sodes capaces de dar de antebrazos non podendo golpear a mesma persoa dúas veces consecutivas, nin devolverlla ao compañeiro ou compañeira que cha pasou. Probade primeiro cun bote, e despois sen que a pelota caia ao chan.
Por parellas, un membro controla a pelota co peito, cun só toque, e outro membro realiza un golpeo contra a parede.
Golpeo coa cabeza. Progresión parellas: os mesmos 4 exercicios anteriores cambiando peito por cabeza, e engadir un 5º exercicio que consiste en tratar de dar o maior número de pases coa cabeza entre a parella sen que caia ao chan.
Volta á calma:
Estiramentos ao tempo que se comentan os golpeos practicados. Cal che resultou máis doado? E cal máis difícil? Cal foi a superficie de golpeo que máis empregaches?
Obxectivo:
Quecemento:
"Que non caia".
Por grupos, practicaranse golpeos realizados na sesión anterior
Parte principal:
"Xogo modificado: 3 contra 1 en espazo reducido.
Organización:
Consignas:
Exercicio de desmarques en campo dividido: puntos por cada pase tras desmarque. Obxectivo específico: traballar o desmarque para recibir pase en espazo libre.
Organización:
Consignas:
Partidos condicionados 5x5:
Regras:
- Un golpeo por xogador ou xogadora.
- Irase indicando a superficie do corpo coa que se pode golpear o balón.
Volta á calma:
Estiramentos estáticos ao tempo que se reflexiona sobre que é máis difícil, desmarcarse ou pasar.
Obxectivo:
Quecemento:
"Cazadores e cazadoras con balóns": os xogadores e xogadoras que pillan levan un balón na man. O obxectivos dos cazadores e cazadoras é eliminar o maior número de participantes posible. profesora ou prfoesor indicará como debe ser o lanzamento (palma da man ou antebrazo). A xogadora ou xogador que foi impactado co balón debe quedar quieto coas pernas abertas e un compañeiro ou compañeira poderá salvalo pasando por abaixo.
Parte principal:
Exercicio de colocación defensiva: situarse entre atacante e portería.
Organización:
Consignas:
Práctica de interceptacións: búscase mellorar a capacidade de anticipación e reacción para roubar balóns.
Organización:
Consignas:
Partidos 5x5:
Regras do colpbol escolar.
Volta á calma:
Estiramentos estáticos e reflexión. Como valorades a vosa actitude na sesión de hoxe? Esforzástesvos moito? Vistes algún xesto de deportividade?
Licenciado baixo a Licenza Creative Commons Atribución Non-comercial Compartir igual 4.0