Glosario
Deporte
-
Definición:
-
Conxunto de situacións motoras codificadas en forma de competición e cun carácter institucional (Parlebas).
-
Exemplo:
-
O baloncesto é o seu deporte favorito.
Natureza
-
Definición:
-
Conxunto de todas as cousas e forzas que compoñen o mundo físico, especialmente todo o que existe sen a intervención humana e que forma o medio onde este e o resto dos seres viven.
-
Exemplo:
-
A natureza proporciónanos o necesario para vivir. Vivir en contacto coa natureza.
Sedentarismo
-
Definición:
-
Estilo de vida caracterizado pola escasa ou nula práctica de actividade física habitual, no que predominan comportamentos pasivos como sentar, tumbar ou estar fronte a pantallas durante longos períodos de tempo, sen alcanzar os niveis mínimos recomendados de movemento diario para manter unha boa saúde.
-
Exemplo:
-
Meu pai é unha persoa sedentaria, porque traballa sentado nunha oficina e ás tardes non acostuma facer actividade física.
Obesidade
-
Definición:
-
Enfermidade crónica que se caracteriza por unha acumulación de grasa no corpo.
-
Exemplo:
-
Realizar actividade física habitualmente favorece o control da obesidade.
Xornada intercentros
-
Definición:
-
Evento ou actividade na que participan varios centros escolares ao mesmo tempo.
-
Exemplo:
-
A mestra de Educación Física organizou unha xornada intercentros no patio do centro onde se xogou ao brilé.
Hoxe en día, as persoas pasan demasiado tempo pechadas na casa, no traballo, na Universidade ou nos institutos, diante de pantallas e con pouca actividade física. Isto está a provocar un aumento do sedentarismo, da obesidade e mesmo da carencia de vitamina D, algo fundamental para a nosa saúde. Cal será o motivo?