Comunicación
Para que a vosa xornada deportiva intercentros sexa un éxito, non só debedes pensar no transporte, na comida, nos horarios ou nas actividades; tamén é moi importante como ides comunicarvos cos outros centros participantes.
Aquí tedes algunhas opcións que podedes valorar. Escollede entre todos e todas as que mellor se adapten a vós, e dádelle un toque creativo!
Chamada
Podedes preparar un guión co que ides dicir, e designar unha persoa, ou a varias, como voceiras do grupo.
Ideal para enviar información clara e detallada.
Podes redactar unha carta de invitación explicando o obxectivo da xornada, a data, o lugar e o que esperas dos demais centros.
Usa un ton educado e respectuoso.
Carta
Se o outro ou outros centros están preto, podedes entregar a invitación en man.
Mesmo poderiades organizar unha pequena presentación na súa aula ou unha reunión entre grupos de estudantes.
Videochamadas
Unha videochamada é unha forma rápida e directa de explicar ideas e resolver dúbidas.
Podedes empregar ferramentas coorporativas como Webex ou Falemos.
Audio
A ter en conta
Que debedes ter en conta á hora de comunicarvos?
- Transmitir unha mensaxe clara e respectuosa.
- Indicar sempre quen sodes e de que centro vides.
- Dar resposta a posibles dúbidas.
- Mostrar entusiasmo e convidar a colaborar.
- Manter o contacto activo e actualizado.
Despois de comunicarvos cos centros participantes, a difusión tamén será moi importante, xa que se queredes concienciar a xente para que practique actividade física no medio natural, unha boa opción é dar a coñecer o voso evento deportivo.
Se os centros teñen conta en redes sociais ou blogs, podedes facer unha publicación conxunta para contarlle ao resto do alumnado o que estades a organizar.
Participar nun programa de radio escolar ou pedir unha mención na radio municipal.
Informar a clubs, asociacións ou entidades colaboradoras da zona para que o compartan e o difundan.