Saltar navegación

4.2. Está todo organizado?

 

Glosario

Accesibilidade

Pictograma de accesibilidade

Definición:

Condición que deben cumprir as contornas, produtos e servizos para que sexan comprensibles, utilizables e practicables por toda a cidadanía, incluídas as persoas con discapacidade

Exemplo:

Todos os espazos do instituto teñen pictogramas para facilitar a accesibilidade a cada lugar.

Código QR

Pictograma código QR

Definición:

Os códigos QR (Quick Response) son códigos de barras capaces de almacenar determinado tipo de información, como unha URL, SMS, Email, Texto etc. Grazas ao auxe dos novos teléfonos intelixentes, estes códigos QR están actualmente moi de moda.

Exemplo:

Na biblioteca do instituto hai códigos QR con coas normas que hai que seguir para levar un libro para a casa.

Documentar

Pictograma dunha persoa filmando

Definición:

Acción que trata de recoller, almacenar, analizar e difundir información contida en documentos de distinto tipo.

Exemplo:

A organización documentou as actividades de forma dixital.

Un último paso previo

Agora que tedes organizada a vosa xornada deportiva intercentros, ides comprobar unha serie de aspectos para detectar se é viable a súa realización ou se deberían realizar reaxustes.

Cubride a guía de observación que tedes a continuación para comprobar que todo está listo.

Se detectades cousas a mellorar, este é o momento de facer axustes ou modificacións.

Lectura facilitada

Xa tedes organizada a vosa xornada deportiva intercentros.

Ides comprobar unha serie de aspectos.

Iso permitiravos ver se é viable a súa realización.

Deberíades realizar reaxustes?

Cubride a guía de observación que tedes a continuación para comprobar que todo está listo.

Guía de observación

Guía observación para valorar a organización da xornada deportiva intercentrosTodo evento debe cumprir uns requisitos que se teñen que ter en conta. É o momento de facer unha pequena análise de todos eles. Xa vistes que na organización da xornada deportiva intercentros, ou de calquera outro evento, é moi importante a organización.

Agora que seguistes uns pasos previos para organizar e levar a cabo o voso evento, o ideal é facer unha revisión ou comprobación de se os aspectos máis importantes foron tidos en conta.

A continuación, poderedes empregar unha guía de observación para facer esa comprobación.

Acceso ao documento en PDF.

Accesibilidade

Un aspecto moi importante a ter en conta é a accesibilidade.

Os deportes e actividades que propoñedes na vosa xornada intercentros son accesibles para todo o mundo? Son fáciles de comprender para os nenos e nenas que participan?

Uns elementos que poderiades incorporar para facilitar a comprensión dos deportes son pictogramas e códigos QR que leven a vídeos demostrativos ou a algún tipo de contido que axude a comprender o que se quere facer.

Se queredes engadir pictogramas na vosa xornada deportiva podedes conseguilos facendo clic aquí.

Se queredes crear códigos QR podedes facelo abrindo o xerador de códigos QR.

Lectura facilitada

A accesibilidade é moi importante.

Os deportes que propoñedes son accesibles para todo o mundo?

Son fáciles de comprender para os nenos e nenas que participan?

Podedes incorporar pictogramas e códigos QR para facilitar a comprensión.

Podedes conseguilos facendo clic aquí.

Para crear códigos QR abride o xerador de códigos QR.

Xerador de códigos QR

Podes usar esta aplicación para crear os teus propios códigos QR.

Documentando a xornada

Pictograma de persoa filmandoEsta xornada deportiva intercentros vai ser un día moi especial para todos e todas!

Non vos gustaría ter un recordo para sempre?

Pois ides documentar todo o que pase na xornada de convivencia dende a saída dos centros ata a chegada de volta. Cada grupo ten que pensar unha forma de poder gravar ou sacar fotos para expoñerlle aos compañeiros e compañeiras doutros cursos a vosa experiencia.

Lectura facilitada

A xornada deportiva intercentros vai ser un día moi especial para todos e todas!

Non vos gustaría ter un recordo para sempre?

Pois ides documentar o que pasa dende a saída dos centros ata a chegada.

Cada grupo ten que pensar unha forma de poder gravar ou sacar fotos para expoñerlle aos compañeiros e compañeiras doutros cursos a vosa experiencia.

Creado con eXeLearning (Ventana nueva)