Saltar navegación

Imprescindibles

 

Glosario

Ornamental

Xardín

Definición:

Organismo ou elemento que se cultiva ou utiliza polo seu valor estético.

Exemplo:

Podes atopar moitas plantas ornamentais en xardíns e parques.

Sumidoiro CO2

Bosque

Definición:

Sistema natural ou artificial que absorbe máis dióxido de carbono do que emite, axudando a reducir a súa concentración na atmosfera.

Exemplo:

Os bosques con gran densidade de plantas actúan como sumidoiros de CO₂ ao capturar este gas durante a fotosíntese.

O poder das plantas para transformar o mundo

As plantas son importantes en distintos eidos.

Papel ecolóxico

As árbores nas cidades aportan sombra e frescor

  • Ao absorberen CO2 no proceso de fotosíntese as plantas son un sumidoiro importante deste gas, e o retiran da atmosfera contribuíndo afrear o cambio climático. Nos mares, o fitoplancto e un dos grandes consumidores de CO2 actuando como sumidoiro.
  • As plantas úsanse tamén como elementos ornamentais. Na planificación das cidades os xardíns e as partes verdes son moi importantes xa que melloran a nosa calidade de vida. Nas grandes cidades as “zonas verdes” evitan o exceso de calor que acumulan o asfalto e o formigón, creando zonas de sombra e frescor que axudan a sobrelevar as elevadas temperaturas do verán.

Alimentación

Campo de trigo

  • As plantas son a base das cadeas alimentarias, tanto nos ecosistemas acuáticos coma nos terrestres.
  • O arroz, o millo, o trigo e a pataca son a base da alimentación de boa parte da poboación mundial. As froitas e verduras forman parte da nosa dieta e son moi necesarias para unha alimentación saudábel.
  • O gando aliméntase de herba e tamén de piensos feitos a partir de vexetais, co cal dependemos en última instancia das plantas para a nosa alimentación.

Industria

O eucalipto é unha árbore moi utilizada na industria

  • A madeira que se extrae das árbores e un dos elementos máis usado na construción en moitos países. Ademais e un recurso que pode ser sustentábel.
  • Na industria papeleira utilízanse fibras das árbores para a fabricación de papel e cartón.
  • A industria farmacéutica e cosmética tamén utiliza distintas plantas para a fabricación de medicamentos, cremas e outros produtos cosméticos.

Prepárate para o reto: plantas invasoras perda da biodiversidade

A crocosmia é unha planta invasora

As plantas son moi importantes nos seus ecosistemas, pero cando se atopan fóra do seu hábitat natural pódense converter en invasoras, provocando problemas ecolóxicos e contribuíndo á perda da biodiversidade. A globalización  facilita que estas especies viaxen e se establezan en novos lugares, desestabilizando os ecosistemas locais e substituíndo ás especies autóctonas.

Un exemplo é a crocosmia, unha planta ornamental procedente de Sudáfrica que chegou a Galicia, e escapou dos xardíns instalándose en moitos dos nosos ríos, ocupando o lugar de plantas propias, causando deste xeito un prexuízo para o ecosistema. Esta situación reflicte como as accións humanas poden acelerar a perda da biodiversidade.

Prepárate para o reto: consulta a listaxe de plantas invasoras en Galicia, localiza algunhas na túa contorna e faino con fotografías para entender o seu impacto.

Tarefa: en grupos, completade a ficha do ficheiro anexo sobre as plantas invasoras, indicando:

  • Causa ou causas: que accións humanas favorecen a súa chegada e expansión.
  • Consecuencias: que efectos teñen sobre a biodiversidade local.
  • Posibles solucións: que medidas se poden tomar para previr ou reducir o problema.

Despois presentaredes o voso traballo ao grupo para compartir as vosas conclusións.

Diario de aprendizaxe

Icona representativa do Diario de aprendizaxe do proxecto cREAgal

Imaxina que un día amencemos nun planeta onde desapareceron todos os seres dos reinos monera, protoctista, fungo e planta. Reflexionade en grupo sobre isto axudadas/os polas cuestións plantexadas no teu diario de aprendizaxe.

    Feito con eXeLearning (Nova xanela)